يبتلع بداخله كل ضوء او ملامح للامل
يخفي خلفه ظلام قاتم
نعبر من خلاله الي المجهول
ثقب اسمه اسود منه
عرفتوه ؟؟
هيكون مين غيره
الثقب الوطني
اللي شفطنا
اليوم ليس ككل يوم اليوم
فسوف نتذكره
ويصبح علامه
ويحسب للقضاء او سيحسب عليه
ومع ذلك
لن ننسي هذا الظلم
بتحويل مدنين لمحاكمه عسكريه
فاي تاريخ اسود دخلته مصر يومها
فهل سيزيد السواد سواد
اللهم لانضام وانت حسبنا ولا نفتقر وانت ربنا اللهم ياجامع الناس ليوم لاريب فيه اجمعهم فيه علي اهلهم وذويهم
اللهم فك اسرهم وفرج همهم وارزقهم بعد العسر يسرين
اللهم انهم عباد ولا نزكيهم عليك فكن لهم خير نصير
اللهم اثبهم عما تحملوه خير الثواب
يارب انصرهم بجنود من عندك اليوم
بركاتــــــــــــــــك يافنان....... العب كمان وكمان:)
الف مبروووووووووووووووووووووووووووووووووووووووووووك
فرحه من القلب بجد
الف مبرووووووووووووك لعروسه افريقيا
ولعروسه النيل
للمحروسه
لمصر حببتي
لبلدي
فعلا وانا بتفرج كنت حاسه اني بااعيط
لاني حسيت يعني ايه نبقي مجتمعين علي امل
يعني ايه هدف حاطه بين عيني وهوصل ليه
يعني ايه فريق
يعني ايه حب بلد
يعني ايه همه
يعني ايه قرار
وصدق نيه
واجتهاد في اداء العمل
مفيش انانيه
ولا حقد
صدق نيه مع الله
جهاد ولو بكلمه
بلعب وبسجد اشكر
بجد حاسه ان المباره ده واللي قبلها واللي قبلها توفيق من الله
حفظ من الله
تفتكروا لو قررنا مره واحده بفريق يشبه ده نفتح الاقصي
كام مليون هيبقي ورانا
وكام دعوه تكون من نصيبنا
زي الدعوه اللي دعنها لابوتريكه بالخصوص
كل اللي محتاجينه ان يجمعنا هدف واحد وغايه واحده
وبعدها
انما النصر من عند الله
(يَا أَيُّهَا الَّذِينَآمَنُوا إِن تَنصُرُوا اللَّهَ يَنصُرْكُمْ)[محمد:7]
اللهم حرر الاقصي
ســـــــــــــــــــــــــــــــــــلام عليك يادُنيــــــــــــــــا
لا ادري ان كان حبك لايزال مستوطنا بداخلي
لا ادري ان كان حبك لايزال لقلبي مستعمرا
ولا ادري حتي أتزال باقيا في اعماقي
ام اني انتصرت عليك؟؟
هل حقا استطعت ان اخضع قلبي لقواك عقلي فانتصر لنفسي ؟؟
ام اني لازلت اتجرع المخدر في كلمات ابث بها الثقه بداخلي؟؟؟
لا ادري حقا هل انتصرت؟! ام نيران الحرب لاتزال مشتعله؟؟
ترى هل خمد بركان ثائر بين ضلوعي؟؟! ام اني واهمه؟
تري هل مرت اعاصير مشاعري ونضجت.... ام اني لاازال كالطفله تجذبها الالوان الخداعه؟؟
مر من عمري ساعات وايام بل وسنوات وكثيرا من لحظات تلمت بها وقليل جدا سعدت بها
فانا في الارض .... ولم ابلغ الجنان لارتاح بعد
تراني تخلصت من سجنك؟؟
اعتقد ذلك وان بقي القليل من الاغلال سحبتها معي وانا اهرب .... ولكني لن البث واتخلص منها
فانت اجدت احتلالي وامتلاكي
وكم كنت سعيده في البدايه ..... ثم بدء عذابك البطئ..... وبدئت تقتل بداخلي المعني تلو المعني ....... والنظره تلو النظره
اعترف لك بعظمتك لقد حطمتني وحطمت نفسي التي كنت اعشقها.....ولكني لاازال علي قيد الحياه
لن ارجوك ان تتركني اعيش ......... فكم احسست انك تكره ان اكتب بين الاحياء
ولذا سادافع عن حطامي بكل مابقي مني
هل كنت تستحق ان اهبك نفسي ؟
ليتني اجد الاجابه؟
للاسف كان خطائي منذ البدايه
سلمت لك وامنت بك
ونسيت ان لي حقا علي نفسي .... ولنفسي حقا علي بان احفظها
عذرا حبيبتي ...... عذرا قلبي ......عذرا نفسي
عذرا عقلي ......عذرا جراحي ...... عذرا نزيف قليي
عذرا ...... عذرا
فعلا ماساه ان تحب من لايستحق
واكبر حسره والم من الماساه ان تجد الحب الذي تحلم بيه ممن لاتحب
ولا تستطيع ان تبادله حبه الكبير
وبعد
اليوم قد رجعت من حيث البدايه...... نفس المكان ...... ونفس الظروف....... نفس الجراح
لكن الزمن تغير
وكاني من اليوم وضعت علي المفترق القديم
ووهبني الله من جديد حريه الاختيار
واليوم ابدء من جديد ..... مع اناس جدد
في عالم جديد
ولكن ادعوا ألا اخطئ
فانا ملكه
ولا أُمتلك
وسابني قصري الجميل
واحيط نفسي بمن احب ولم اكن احسهم من قبل
اهلي
ابي
امي
اخواتي وحراسي
خلودي
وحمودي
اصحابي ومن عشقت حتي النخاع
حببتي نهي محمد بجد انتي ليا حياه صعب ابعد عنها تاني ابدا ...... بحبك يانهنوه
حببتي مي مجدي ...... بجد بنت جدعه قووووي بجد بحبك
ايناس ...... اخت لم تنجبها امي ربنا يبارك في ابنك عمر ياعثل
مي رضوان ..... طيبه عمري مشفتها
ساره خيرت..... دعائك كنت بحسه في لطف ربنا بيا .... ربنا يفك اسر عمو ياحببتي
منيره ... امل .... مريم ... شموع رقيقه
رحاب .... ابتسامه وسط الاحزان
نهي ...رفقيه قريبه للقلب
ياسمين جاره ورفيقه الوحده ومتبهدله معايا عند الدكاتره في المستشفيات:)بحبك
بجد ادتوني عمر تاني بالف عمر عدي
والله اني احبكم في الله
ومع ذالك سلام علي الدنيا
دنيا وهي فعلا دُنيا
بـــوستــي الأول ..
السلام عليكم ورحمة الله وبركاته
اممممممممم .......... بصراحه اصعب حاجه هي البوست الاول
فالبعض عندما يتذكره يظل مبتسما مما كتبه واحيانا يرغب في تحريره او تغيره
لكن لامفر
ببساطه رفرف ياطير هتكون باذن الله مدونه حره ........... هتعلم فيها اطير .......زي طير حر من بلد لبلد
وكل ماتغيب الشمس في مكان هطير وراها ........ يمكن ترجع يوم وتنور بلادنا
واتمني انكم تتقبلوني وتحبوا طيري الحر
Subscribe to:
Posts (Atom)