عفوا هذا الرقم لا يمكن الاتصال به الان

Monday, December 28, 2009 |


عاااارفين ؟؟

طيب لو عارفين وهتهزو راسكم بلاش تكملوا

ولو مش عارفين

تعالو اعرفوا

عفوا هذا الرقم لا يمكن الاتصال به الان
!!!!

معدتش احتكار لشركات المحمول

كتير تتدور علي حد عايز منه حاجه

ويكون رده

عفوا هذا الرقم غير متاح الان

كتير تبقي مستني من حد حاجه

ويوصلك منه عفوا لقد نفذ رصيدكم

كل ده عادي

وعارفينه من زمان

الجديد بقي واللي مش عارفينه

عفوا هذا الرقم مش حاسس بيك الان

يمكنك ترك رساله صوتيه له

فتقول فيها

انا تعبان ذبلان وخايف محتار
انا مشتاق انا محتاج
انا عايزك تطمني
تقف جنبي
تشيل عني
وتفضل مستني تقرير استلامه للرساله
29/12/2009
12:30 AM
Pending

  • Digg
  • Del.icio.us
  • StumbleUpon
  • Reddit
  • RSS
Read User's Comments(0)
Posted by Unknown

اشتياااااااق

Tuesday, December 22, 2009 |



لما تشتاااق لحد وميكونش في ايدك انك تشوفه
او تتكلم معاه

اقل حاجه تتمناها وقتها انه يكون حاسس بيك

فاكرك او بيفكر فيك

بتحب وقتها الشمس لانها بتشوفكم في وقت واحد

تحب القمر لانه بينور لكم بنور واحد

تلمس كل نسمه حوليك

وتعيش علي امل

انها تكون عاشت حوليه

تحضن كل موجه تقابلك

وتتمني انها تكون في يوم لمست ولو حتي رجليه

ولو كان اشتياقك لحد من عالم تاني

منكن يكون هو كمان مشتاق

بس مش في ايده انك تشوفه او تتكلم معاه

ومش بايدك انت غير انك

تفضل تتمني كل ليله

انه يجمعكم حلم واحد

في كل الحالات هيكون جواك

حاجه اكبر من انك تتحملها

حاجه مش عارف توصفها

بس بتوجع

بتخلي عينك تدمع

وتخليك تقول

اااااه

يااااارب بشتاااق




  • Digg
  • Del.icio.us
  • StumbleUpon
  • Reddit
  • RSS
Read User's Comments(1)
Posted by Unknown

اذا رحل احدهم ... فهذا يعني ان احد اخر علي وشك الوصول

Monday, December 21, 2009 |


زي السنين في علاقتها ببعض

احنا البشر

في نفس الوقت اللي بنودع فيه سنه بتموت

بنحتفل بمولد سنه جديده


وزي الاتوبيس

احنا برضو البشر


لما حد بينزل من بابه الاولاني

بيكون في حد تاني بيركب من الباب التاني


عشان كدا خليك دايما مستعد

لانه اذا رحل احدهم فهذا يعني ان احد اخر علي وشك الوصول
وكل سنه وكلكم طيبين
:)

  • Digg
  • Del.icio.us
  • StumbleUpon
  • Reddit
  • RSS
Read User's Comments(1)
Posted by Unknown

دمعه في العين هي جراح في القلب :(((

Tuesday, December 15, 2009 |




كثيره هي الاحداث التي قد يتعرض لها اي انسان ولكن المؤلم فيها هو ان يتعرض لها في وقت واحد... يستمر لسنوات متتاليه فتختلط عليه الاوراق .... ويظل يصارع ليقنع نفسه فبل الاخرين بانه سعيد
هو بالتاكيد راضي
ولكن
يبقي جزء بداخله موحش..... وحيد .... حزين
نجتهد كثيرا في اخفاءه عن الجميع
ويظل مدفون باعماقنا
الي ان ياتي ماينبشه
فتظهر جراحنا بدموع غزيره
تجف الدموع ولكن الحزن باقي
نعود للحياه لنصارع من جديد
ونفتح درج الاقنعه
لنختار ايها سنرتدي
ومع ضوء النهار الجديد تجد نفسك تتدرب علي ابتسامه عذبه تمنحها كل من يصادفك
وتجتهد في اخفاء عينك... فدمعه في العين هي جرح في القلب
وجروح قلبك يجب ان تبقي في اعماق قلبك وحيده


للمره التانيه بنزل نفس البوست

للمره التانيه بحس اني وحيده مليش غير ربنا

للمره التانيه اللي انجرح فيها قوووي كدا

للمره التانيه اللي ابقي عايزه اعيط بعيعن كل البشر

للمره التانيه اللي عايزه اقفل علي نفسي الف باب

ويفضل كل اللي في قلبي في قلبي

لوحده والي الابد

ياااجبار

  • Digg
  • Del.icio.us
  • StumbleUpon
  • Reddit
  • RSS
Read User's Comments(1)
Posted by Unknown

صور ليها معني

Friday, December 11, 2009 |


كلنا كالقمر ... له جانب مظلم

كبريااااااااء
 انا مش انا انا مش عرفني
:D

 الحياه بعيدا عن ربنا

انسان بلا قلب وبلا حب





باعوك رخيصا ياوطني فالكل مدان
وكيف اعيش في وطنا لا احيا فيه كانسان
يجري النيل فيغرقنا وانا ظماان
والتربه الخصبه تربتنا وانا جوعان
والكل جبان
والكل مدان

منقول




الاصحااااب
المؤمن للمؤمن كالبنياان يشد بعضه بعضا


هتلبس ايه النهارده ؟؟؟




ااااه لو الايام تخذني من مكاني لحد عندك





الدنيا

طريق متعرفش مخبي ايه ؟؟




قد يسكب الليل لحنا شجيا

فياتيك صوتي حزين الاغاني

وقد يحمل العمر حلما تليدا

لحب جديد سياتي مكاني

ولكن قلبك مهما افترقنا

سيشتاق صوتي وذكرى حناني

فاروق جويده



اخبرنا استاذي يوما عن شئ يدعى الحريه

فسالت الاستاذ بلطف ان يتكلم بالعربيه

ماهذا اللفظ وما تعني واي شئ حريه

احمد مطر


ولا شاف العناد في عيون الولاد وتحدي الزمن :)




ان كان بعدك عني اختيار

فلقائنا وربي مشيئه

فاروق جويده






ناس قويه نشوفها بتضحك وتبتسم وجواها الم كبير

  • Digg
  • Del.icio.us
  • StumbleUpon
  • Reddit
  • RSS
Read User's Comments(1)
Posted by Unknown

كلّ أمـّة ولها أولوياتها

Thursday, November 19, 2009 |





فلسطين... العراق ... افغانستان ... الشيشان
واخيرا وليس اخرا استاد المريخ
طلعت والله اعلم
هي اراضي الجهاد
بالنسبه لاخوانا في الدين والدم والعروبه

شعب الجزااائر الشقيق

و شكرا

هي اقل مايقدمه كل مسلم عربي مصري

واقل ماقوله للكل هو قوله تعالي


وَإِنْ طَائِفَتَانِ مِنْ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِنْ بَغَتْ إِحْدَاهُمَا عَلَى الأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ }

  • Digg
  • Del.icio.us
  • StumbleUpon
  • Reddit
  • RSS
Read User's Comments(3)
Posted by Unknown

نعـــــي

Thursday, November 12, 2009 |



لسه فاكره اول يوم شوفته فيه
اول يوم لمسته فيه
قد ايه كنت هموت عليه
***
ومن سعتها
من اربع سنين مسبناش بعض
كان اقرب الاشيااااء ليا
مفيش لحظه الا وكنا مع بعض

خرجنا سوا
سافرنا سوا
ورحنا الجامعه سوا
***
ومن حبي له
عرفته كل اسراري
سمعته كل كلامي
شاركته كل لحظاتي
حلوها ومرها

***

ومن خمس ايام بس
انسحب من حياتي
خذ معاه اجمل ذكرياتي
خذ معاه بعض من مذكراتي
وخذ كل اهداائات ونمر اصحابي
سبني لوحدي

****

رحل عن هذه الحياه

N73 موبايلي
:(

  • Digg
  • Del.icio.us
  • StumbleUpon
  • Reddit
  • RSS
Read User's Comments(8)
Posted by Unknown

ياااعزيزي كلنـــا بشر

Friday, September 25, 2009 |


مين فينا متغيرش
ومين فينا دام علي حاله
والدوام لله
مين فينا مطلعش ونزل في منحنيات الدنيا
حبه فوووق وحبه تحت
ومين فينا مقربش اوي وبعدين بعد ورجع قرب ورجع بعد
عن ربنا
مين محزنش
مين مماتش له اعز الناس
مين معيطش
مين منجرحش ومين منكسرش
مين ممرضش
طيب مين مضحكش
ومين مفرحش
مين مرقصش

مين مشفش يوم ابيض واللي وراه علي طول بقي اسود

او العكس

كلنا عشنا كل الاحاسيس ده
ولا مكناش عرفنا نوصفها ونتكلم عليها

عشان كدا

مش انت لوحدك اللي تعبان

ومش انت لوحدك اللي حزين

ومش انت لوحدك برضو اللي صح او هتفضل صح

ففي الاخر

ياااعزيزي كلنا بشر
البوست ده اهداء مني لاحب الناس ليا
عشان بس اقول
ان من حقي احزن لحزنهم
وافرح لفرحهم
وان الدنيا بتدي وتاخد
ومحدش دايم علي حال
يعني لا الماشي هيفضل ماشي
ولا الواقف هيفضل واقف
بجد كفايه بعد بقي
عااايزه حقي

  • Digg
  • Del.icio.us
  • StumbleUpon
  • Reddit
  • RSS
Read User's Comments(3)
Posted by Unknown

متـــــى ؟؟؟

Monday, September 21, 2009 |



امتي تكون انسان ؟؟
لما تغلط
امتي تكون غلطان ؟
لما تخبي
امتي تكون غبي ؟
لما تغلط نفس الغلط مرتين
امتي تكون مغرور؟
لما تكون جملتك الماثوره (منا عارف)
امتي تخاف ؟
لما ميكونش لك ظهر فتضرب عل بطنك
امتي تكون دموعك صادقه ؟
لما تكون مظلوم
امتي تكون مقهور ؟
لما تحس انك عاجز انك تساعد نفسك
متي يفهمك الاخرين ؟
دائما بعد فوات الاوان
امتي هتحس بقيمه ماتملك؟
لما يضيع منك ان شاء الله
امتي تشعر بالسعاده ؟
لما تتعثر الكلمات علي شفتيك
ولكن جميع جوارحك تتحدث
امتي تشعر بالحزن الشدددددديد؟
لما تبكي بدون دموع
متي تشعر بالكراهيه؟؟
عندما ترى احدهم فتشمئز عضلات وجهك
وتنقبض يداك
امتي تشعر بالحب ؟
لما تبدء بالتنازل عن حياتك وانت رااضي مبتسم
امتي تشعر بالوحده ؟
لما تمسك قلمك لتشتكي لاوراقك
ثم تحتضنها
امتي تشعر ان لك صديق حقيقي ؟
لما يكون عندك مي مجدي زي اللي عندي
امتي تشعر ان لك حبيب ؟
عندما تغضب منه وتشتكي له
عندما تريد الابتعاد عنه ولكنك تشتاق له
عندما تهجره ولكنك تخاف عليه
عندما تسلمه سعيدا مفاتيح حياتك
ومتي تشعر انك تفقد نفسك؟
عندما تفقد حبييبك
متي تفتقد الي اسرتك ؟
عندما تكتشف انه لم يعد هناك السد الامن بينك وبين الناس
متي تشعر انك قوي ؟
اذا لم تمر يوما بقصه حب
متي تكون ضعيف ؟
لما تعرف الصح ومش تعمله
امتي تعرف ان ربنا اشتاق لك ؟
لما يسد ابواب الدنيا كلها في وشك

امتــــــــــــــــــــــــــــى بقي هتفهم الكلام ده ؟


لو فهمتني


:)

  • Digg
  • Del.icio.us
  • StumbleUpon
  • Reddit
  • RSS
Read User's Comments(4)
Posted by Unknown
Subscribe to: Posts (Atom)