لما بنبتلا
لما بتقع المحن
لما بضيق الارض
وتسود الدنيا
ولما ليلنا بيطول
ليه بننسي ان بعده نهار؟؟
ليه بننسى ان في ربنا الجبار؟؟
بدل مننذل له
بنذل نفسنا للي مش في ايده
بدل منسجد نشتكيله
ندور علي حد عشان نحكيله
وهو اللي قال لنا
ان من تقرب إلى شبرا تقربت إليه ذراعا .... ومن جاءنى يمشى جئته مهرولا
نسيب باب الملك
اللي عنده مفاتيح لخزائن السما والارض
ونفضل نخبط علي باب عبد زينا
وهو برضو اللي قال لنا
(وفي السماء رزقكم وماتوعدون)
نخاف من غدر الدنيا فنجمع حولينا العزوه
مع انه قال لنا
لو اجتمعت الإنس والجن على أن ينفعوك بشيءلم ينفعوك إلا بشيء قد كتبه الله لك
نفضل نشتكي قسوه الدنيا والبشر
ونعيش ندور علي الحنيه
ونسينا انه مفيش احن علينا من رب ننادي عليه واحنا مزعلينه وعاصينه
فتفضل الملائكه تحجب صوتنا عنه لغايه ميقولها الي متي تحجبون صوت عبدي عني لبيك عبدي لبيك عبدي
ننسي مفاتيح السعاده والرضا اللي ربنا ادهالنا
ننسى انا عند حسن ظن عبدي بي
ونفضل شايلين الهم
وننسى
انه مش هيغلب عسر يسرين
ولما بننسى بنتعب قوووي
وبالظبط كاننا بنسيب الطبيب ونطلب العلاج من فلاح جاهل
مع ان كل اللي بنبقي محتاجينه وقت المحن
ايمان بربنا الكريم قوووي
وشويه صبر
علي السواد اللي قبل الفجر
مهو برضو قال لنا
" يا أيها الذين آمنوا استعينوا بالصبر و والصلاة إن الله مع الصابرين
وشويه رضا
(من رضي بالله ربا وبالاسلام دينا وبمحمد صلي الله عليه وسلم نبيا ورسولا كان حقا علي الله ان يرضيه
في الاخر احب انقل ابيات للامام الشافعي عجبتني جدا
دع الأيام تفعـل مـا تشـاء وطب نفسا إذا حكم القضـاء
ولا تجزع لحادثـة الليالـي فمـا لحـوادث الدنيـا بقـاء
وكن رجلا على الأهوال جلدا وشيمتك السماحـة والوفـاء
وإن كثرت عيوبك في البرايا وسرّك أن يكون لها غطـاء
تستـر بالسـخـاء فـكـل عيب يغطيه كما قيل السخـاء
ولاتـر للأعـادي قــط ذل فإن شماتـة الأعـداء بلاء
ولاترج السماحة من بخيـل فما في النار للظمـآن مـاء
ورزقك ليس ينقصه التأنـي وليس يزيد في الرزق العناء
ولاحـزن يـدوم ولاسـرور ولا بؤس عليـك ولارخـاء
إذا ما كنـت ذا قلـب قنـوع فأنت ومالـك الدنيـا سـواء
ومن نزلت بساحتـه المنايـا فـلا أرض تقيـه ولاسمـاء
وأرض الله واسعة ولكـن إذا نزل القضاء ضاق الفضـاء
0 جرب تطيــر:
Post a Comment