تايهه بين امبارح واول .. واخاف من النهارده لو طول
اقول يمكن بكره اعرف ابتدي من الاول
بس بكره زيه زي امبارح واول
هيوجع
فينك؟؟
هزني قووي خبر عن اللي مات
وشد جوايا حنين لزمن عدي وفات
بتقطع فيا الذكريات وبتوجعني كتر الحاجات
فينك؟؟
لو علي الالوان هقولك ومش هخبي
وهتكسف منك ليه ؟ منتا كنت اقرب ليا من ناسي واهلي
زمااان قوووي قبلك ..كنت زي الميه
لا طعم ولا لون ولا تعرف تخبي
لوني معاك كان فراشه بمبي.. دنيتها وردايه زهري .. احلامها بلون نجمه فضي
دوات عايشه حداد في حداد
اخاف لو بصيت بره الشباك .. اشوف اثنين ويا بعض
فترجع تقطع فيا الذكريات .. ويوجعني كتر اللي كان من الحاجات
فينك ؟؟
الميه اتعكرت .. وبقت تداري من الخوف
الفراشه اتكسرت .. وبقت تخاف تبص لفوق
الدنيا اتغيرت .. والنجمه ولعت .. الواني اتوحدت وبقت حداد في حداد
فينك ؟؟
لما افترقنا اسمع منك .. هو ده المقدر والمكتوب
ولازم ولا دمعه تنزل ويفضل اللي بيحصل للنصيب منسوب
بس انا عارفه
ايون انا عارفه
عارفه ان بادينا هدينا الحب اللي كان مالي كل البيوت
وبداله بنينا الف حد وحد وكترت بنا الحدود
فينك؟؟
بصرخ من الالم .. فينك؟؟
بموت من الندم .. فينك؟؟
بخاف بليل وبهرب من الغير .. واحبس نفسي في مكان بعيد عشان افضل اعرف انادي عليك
فينك؟؟
وقفت في مكاني .. والدنيا فضلت تدور
فاكر زمان قلت لك اني بلف وبدور
خنقتني الدواير.. بعدتني عنك وفضلت بيا وبيك تدور
ومعدتش قادره اقول اللي جوايا
اصل انا مش فاهمه
ده حتي كلمه فينك تاهت مني في وسط الزحمه
خلق عايشه ومش عايشه
ومتعرفش تقول غير الحمد لله
راجل غلبان له 3 عيال وبرضو اصغرهم بينام جعان
بس دايما في بقه الحمد لله
لغايه ممات
وصحبتي كانت لسه ضغيره
ووسطنا كانت منوره
هوا الشتا مسبهاش
حرمها من ابنها
وماتت
وكل اللي بيقوله اهلها
الحمد لله
كل ده واكتر ويادوبك انا زعلانه
علي ايه شايله هم الدنيا وعايشه قلقانه
الحمد لله
بس لسه من جوايا بقولك
فينـــــــــــــــــــــــــــــــــــــــــك؟؟؟
0 جرب تطيــر:
Post a Comment