زي اليوم .... هي حياتي
تبدء بفجر ناعم ... واعد
يتسحب بخفه وينشر نوره جوايا
ويسحب وراه ضحى هااادي ... منعش
يخلي احساسك يتمتم باهدى الاغاني
بس مبيطولش
عشان هنحس بعدها بحرقه الشمس
ومع مرور وقت طويل تبتدي تهدي
فنشوف حمره افق تصحي مشاعرك
بعد طول غياب .... او بعد طول عذاب
نشوف الوان السما
نفرد دراعتنا ونجري بفرحه
وننسي ان هو ده الغروب ... وانه اقصر حاجه بتعدي علينا
ومنخدش بالنا ان الوان الطيف ابتدت تتسحب لون بعد لون
نقف فجاه ونلاقي الدنيا ظلمه
ومن بعيــــــــــــــــــــد نشوف طير جميل سافر ورا الشمس
وساب وراه فراغ بارد ... وصمت جامد... ودموع محبوسه
وخوف عدى سواده سواد الليل
هي ده حياتي
والعجيب اني لسه برضوا عايشه
