مااصعبها
ان تفارق لوحه ... لتسكن باخرى
تعلم انك يوما ستغادرها
فما اقسى لحظات الوداع
****
الي كل من وما احب
لن انسى
***
صدق رسول الله حينما قال
(أحبب من شئت فإنك مفارقه )
مااصعبها
مااصعبها
ان تفارق لوحه ... لتسكن باخرى
تعلم انك يوما ستغادرها
فما اقسى لحظات الوداع
****
Read User's Comments(24)
مصر فيها حاجه حلوه
مصر بالالوان
تيجوا نشوف ازي بقت مصر بالالوان
يلا نشوف الاسود
عارفه سواد العسل
اهو ده اللي حالك له وصل
الفيلم ده لما شفته اتاثرت قوووي بيه
حسيته داس جوايا علي حاجه موجوعه
كنت بدفنها واقول مصر ده امي وسيبك من اللي قال ده مرات ابويا
****
حمرا ... قصدي الاجنده الحمرا
ده مصر طلع في الوانها كمان الاحمر
واللي مشفش الفيلم الفيلم بيتكلم علي مااذكر عن مرض الايدز
وطول الفيلم بيدورو علي مين اللي نشر الوباء ده في مجموعه من الشباب
امممم يعني مصر طلع فيها اجنده حمرا
ويمكن مش واحده بس
اممم يكونش ده سر انتشار اللفظ ده بين الناس ؟؟؟
****
ابيض
موجود ياباشا
حد ينسي ابراهيم الابيض
ده علي كدا مسبتش لون الا وجربته
وزادت علي الوان العلم
بالازرق
هتلاقيه سدقني في لقطه من مسلسل الجماعه
احمد حلمي كان بيشعر في البلد باللون الازرق
وبيقول
ركبوه البوكس الازرق
لبسوه في السجن ازرق
ختموا ختم النسر الازرق
الي اخر الزرقان بقي
حتي الخضار قالوا انه موجود في الوانها
لما اتعمل فيلم هابط وحكم القاضي بنسب التهمه ليها
واتسمي ارقصي ياخضرا
طب كدا يعني البلد طلع فيها ميت لون ولون اهو
بس مش حرام بالذمه هيا بلدنا ليه بقت لوحه بنشخبط عليها بكل لون
ليه بقت بلد متعلم عليها
ليه احنا علمنا عليها
ليه احنا بنقول كدا
ليه عملنا فيها كدا ووصلنا بها لغايه كدا
وكدا ده اللي هو سواد اسود من العسل
ليه مش بنشوف غير الوانها بالصوره ده
ليه مش بنعيشها غير اوقات حدادها
وونسى كل افراحها
يمكن فعلا دايقين المر فيها
ويكمن كمان فيه ناس مبقتش لاقيه رغيف تغمس بيه المر
ويمكن مش لاقين المر ذاته عشان يعرفوا يشبعوا
بس والله فيها راحه وبنفس الالوان
ده الاسود لون في علمها بتترفع له كل ايد اطفالها
والاحمر ... ده لسه علي الجبهه دم احمر من ولادها
نسينا ولا ايه
والابيض ...اللي اصفي من اللبن قلوب اهلها
نيلها الازرق
ريفها الاخضر
ايه ايه
ليه بتنسي ده
وبتتنكر ليها ليه ؟؟
دوات بقيت مخنوق منها وعليها
فوق قبل مهيا كمان تتخنق منك
ووقتها مش هتلاقي مكان يلمك
ليه بنبعد ونسبها
ليه بنكسف منها
ليه بنهجرها ... وليه بنسبها لحد ما تهجرنا
ليه حقنا بقا ضايع فهيا
ليه مش بندور عليه وبنسيبه لغيرنا
ليه لما بنسبها ببنساها ... ليه بنستعر منها
مع ان هيا احنا واحنا هيا
ليه بنخون بعض جواها قبل براها
بدل منخاف علي بعض
بدل مانغطي بعض
ليه بقينا بنفكر ازي نعري بعض لغيرنا يتفرج
ليه سبنا غيرنا يشخبط عليها
مش كفايه اننا بنبهدلها
هيبقي احنا والغريب عليها
ليه نسينا ادعي علي ابني واكره اللي يقول امين
ليه العالم كله يدعي واحنا اللي نرفع ايدنا ونقول يارب اميييين
ليه ده مصر فيها حاجه حلوه
حاجه حلوه منك
فمتنساش
نسرين
:)
...لــو
المره ده معنديش موضوع عشان اكتبه للكل
يمكن يكون شئ خاص
بس هو رساله لاي حد
يمكن
*******
لو جه يوم ولفت بيك الدنيا عشان تحطك بالصدفه في طريق حد اتخلي عنك زمان
حد سابك لوحدك ومشي
متفكرش ليه ده حصل ... متفكرش ومتفتكرش
ابعد زي مهو زمان بعد
لا تاذي حد ولا حد ياذيك
وكفايه ان الماضي مش هيرجع تاني
ولا حتي جزء منه
راح بحلوه قبل مره
امممم كمان حاجه
اللي حرمك منه زمان في وقت كنت هتموت عليه
مش من حقه يلاقيك قدامه دوات
ده اقل عقاب منكن يستحقه
حد سابك لوحدك ومشي
متفكرش ليه ده حصل ... متفكرش ومتفتكرش
ابعد زي مهو زمان بعد
لا تاذي حد ولا حد ياذيك
وكفايه ان الماضي مش هيرجع تاني
ولا حتي جزء منه
راح بحلوه قبل مره
امممم كمان حاجه
اللي حرمك منه زمان في وقت كنت هتموت عليه
مش من حقه يلاقيك قدامه دوات
ده اقل عقاب منكن يستحقه
*******
الدنيا ده اغرب شئ جربته
ولا عزاء لل
......
نسرين
نسرين
هو العيد شكله ازي ؟؟
هو العيد شكله ايه ؟؟
شكله زي قلوبنا بالظبط لو عمرت بحب الله ... لمعته زي عيونا لو كانت شايفه احلمها قدامها
... شكله لا مربع ولا مثلث ... لونه لا احمر ولا اخضر ولا حتي ازرق
العيد مش بطعم الحلويات ولا المكسرات
العيد مش كل دول
لانه هو اللي ادي للاشكال قيمتها
هو اللي ادي للالوان زهوتنا
وادي للحلويات طعمتها
يبقي لسه هتسال شكله ازي؟؟؟
طب لو لسه هقولك كمان
العيد لنض متعلقه في الشوارع ... العيد زحمه ناس مبسوطين
العيد بمب وسواريخ ... العيد زقططه مع الفسيخ
العيد عديه صغيره تفرح قلوب كتير
ها عرفت شكله ازي ؟؟
طب اقولك تاني
العيد شكله شكل ابتسامه الغلابه بالفستان الجديد
العيد صوته هو صوت الزغاريط في بيت عمران
لونه لون الزينه عل الحيطان
العيد كبيييييييييير قوي يساع قلوب كل المحتاجين
ها لسه برضو معرفتش العيد شكله ازي ؟؟؟
يوه بقي انا تعبت ومش عارفه اقولك العيد ازي
طب اقربها كمان شويه
العيد ليه لذه اللهفه في اللقا زي اللي في عيون اتنين حبيبه
العيد ليه لمسه حنينه زي مسكه الاب لايد طفله المولود
العيد رنه شخللة غاوايش في ايد البنات ... حلم ولد نام حاضن اللبس الجديد
العيد امي وامك بتخبز كحك وبسكويت
مش عارفه اقولك شكله ازي
بس هو كدا ربنا خلقه كدا
بص بص انا عرفت خلاص شكله
العيد شكله زي العيد بالظبط
سهله اهي
اصل العيد ده طبطبه من ربنا علينا
هديه ربنا لينا
احسان الملك لعبيده
هو ده العيد اللي اعرفه ومعرفش غيره
فكل سنه وكلكم فرحانين بالعيد يااارب
:)
:)
نسرين
Subscribe to:
Posts (Atom)