هو العيد شكله ايه ؟؟
شكله زي قلوبنا بالظبط لو عمرت بحب الله ... لمعته زي عيونا لو كانت شايفه احلمها قدامها
... شكله لا مربع ولا مثلث ... لونه لا احمر ولا اخضر ولا حتي ازرق
العيد مش بطعم الحلويات ولا المكسرات
العيد مش كل دول
لانه هو اللي ادي للاشكال قيمتها
هو اللي ادي للالوان زهوتنا
وادي للحلويات طعمتها
يبقي لسه هتسال شكله ازي؟؟؟
طب لو لسه هقولك كمان
العيد لنض متعلقه في الشوارع ... العيد زحمه ناس مبسوطين
العيد بمب وسواريخ ... العيد زقططه مع الفسيخ
العيد عديه صغيره تفرح قلوب كتير
ها عرفت شكله ازي ؟؟
طب اقولك تاني
العيد شكله شكل ابتسامه الغلابه بالفستان الجديد
العيد صوته هو صوت الزغاريط في بيت عمران
لونه لون الزينه عل الحيطان
العيد كبيييييييييير قوي يساع قلوب كل المحتاجين
ها لسه برضو معرفتش العيد شكله ازي ؟؟؟
يوه بقي انا تعبت ومش عارفه اقولك العيد ازي
طب اقربها كمان شويه
العيد ليه لذه اللهفه في اللقا زي اللي في عيون اتنين حبيبه
العيد ليه لمسه حنينه زي مسكه الاب لايد طفله المولود
العيد رنه شخللة غاوايش في ايد البنات ... حلم ولد نام حاضن اللبس الجديد
العيد امي وامك بتخبز كحك وبسكويت
مش عارفه اقولك شكله ازي
بس هو كدا ربنا خلقه كدا
بص بص انا عرفت خلاص شكله
العيد شكله زي العيد بالظبط
سهله اهي
اصل العيد ده طبطبه من ربنا علينا
هديه ربنا لينا
احسان الملك لعبيده
هو ده العيد اللي اعرفه ومعرفش غيره
فكل سنه وكلكم فرحانين بالعيد يااارب
:)
:)
نسرين
10 جرب تطيــر:
2olan kol sana wante taipa ya nessren we ya rap yakon el 3aied dah 3aleke zae ma pat7lme we nafsek ano yakon
ana el 3aied ma3ia shaklo mozkra
العيد بدون أحباب..
ليس له رائحه ولا طعم ولا لون..
عيد غريب..
أسأل الله تعالى أن يبلغنا الأعياد القادمة والأمة الإسلامية في نصر وتمكين
مرحبا أنا باتابع من مده مدونتك بارتاح وانا باقراها من السهل
الممتنع شفافه صادقه رغم انك مقله sama feelingمدونة سما الإحساس
كان العيد لديك بسيطا صادقا كما الواقع وكما يجب أن يتعامل معه الاخرين
أول مره أشوف مدونتك .. عجبني اسلوبك فيها .. و عجبني حتى الديزاين بتاعها
:)
ما عرفتش الاقي فين اوبشن
follow
عشان احفظها في مدونتي و اتابعها ان شاء الله
؟؟
كل سنه وانتي طيبه و لو انها متأخره .. و يارب دايما كل ايامك أعياد و افراح
:)
انا بالصدفة شفت مدونتك و بصراحة عجبتني كتير .....بتخلي الواحد مبسوط
بالتوفيق
كريم
كل سنه وانت طيب يافندم
ويارب يكون العيد كان كويس
:)
***
انس
اللهم امين يارب
ويارب يجعل ايامك كلها اعياد بالناس اللي بتحبهم
***
سماء الاحساس
كل سنه وانت طيبه
بالنسبه للبساطه بتدي شعور بالرضي
واحساس حقيقي بالسعاده الرقيقه
:))
نورتيني يافندم
واناهحاول اكتب اكثر من كدا بس انتي عارفه انه مش بمزاجنا
علي حسب الحال يعني
:))))
ZoOoZ
وانت طيبه يااارب
ومتشكره قووي علي رايك
بجد شهاده اعتز بيها يافندم
بالنسبه لل
follow
هتلاقيه باذن الله في لوحه التحكم بتاعتك اول مابتفتحي المدونه عشان تعملي فيها حاجه
:)
وبجد ليا الشرف انك تتابعي المدونه
مره تانيه نورتيني
:)
****
clarinda
نورتي وبجد سعيده اني بخلي حد يبقي مبسوط حتي لو لحظات
اتمني تفضلي مبسوطه دايما
اممم علي فكره انا حاولت ادخل عندك ملقتش مدونه
؟؟؟
الللللله..على الوصف.
بجد بتعرفي توصفي قووووي بالطريقة اللي انا بحبها :)
Timo ...
الحمد لله ان البوست بيوصل احساس جميل جدا
:)
Post a Comment