الثقب الاســــــــــــــــــــود

Wednesday, February 27, 2008 |

يبتلع بداخله كل ضوء او ملامح للامل

يخفي خلفه ظلام قاتم

نعبر من خلاله الي المجهول

ثقب اسمه اسود منه

عرفتوه ؟؟

هيكون مين غيره

الثقب الوطني

اللي شفطنا

23 جرب تطيــر:

ساعد نسرين الايمن said...: اول تعليق عند نسرين
مش ممكن
انا بحجز بس
هاقرا بتمعن وارجع اعلق; February 27, 2008 at 12:27 PM
ساعد نسرين الايمن said...: عزيزتي نسرين

قديما قال عبدالحليم
احلف بسماءها وبترابها
الحزب الوطني اللي خربها

ودوقتي بيقول عبدالرحمن يوسف ابن الشيخ يوسف القرضاوي

الحزب الوثني الديمقراطي
الحزب الوثني الديمقراطي
دايما عالي عالي مقامه
لكن سلوكه دايما واطي

الحزب الوثني عديم الذوق
يلعب تملي في الصندوق
بيسجني وانا المسروق
وان قلت لا
اموت مشنوق
او اعيش وانا حالق شنباتي

الحزب الوثني كلام في كلام
مشروعه عبادة الاصنام
متعهد حفلات حكام
ويسوقنا زي الاغنام
ورايحته اسوأ من شراباتي

الحزب الوثني في كل مكان
من مراكش لباكستان
وعينه في كفاية والاخوان
مرة دخلت البيت نعسان
لقيت قاعد وايا مراتي

الحزب الوثني قليل الدين
محتلنا زي فلسطين
خلي عيشتنا زي الطين
يبقوا جنوده داخلين حطين
ساعة ما يواجه مظاهراتي

الحزب الوثني جمال وهلال
يكسب برجال الاعمال
نحواره يدخل فينا شمال
وسرقة الصوت عنده حلال
من احيائي ومن امواتي

ربنا يكفينا شر الوقوع في الثقب الاسود المنيل ده

بس بجد بوست محتصر ومفيد
ماشاء الله عليك نسرين
بتكلمي في السياسة كمان; February 27, 2008 at 1:04 PM
Anonymous said...: ألا لعنة الله على الظالمين في كل مكان; February 27, 2008 at 1:33 PM
just-amuslim said...: نسرينا
طول عمرك كنت بتحكي عن الثقب الاسود وانك انت اللي هتكتشفيهم ..

تقريبا ربنا انعم عليك واكتشفتيهم

عقل رائع واع

لك التحايا

والله اكبر ولله الحمد; February 29, 2008 at 12:32 AM
noha said...: امممممممم

الثقب الاسود

طبعا حضرتك عارفة انا توقعت ايه فى البداية مش كدا خالص
بس مش مشكلة
اهم حاجة حلينا سوء التافهم اللى حصل !!

اظن يا نسرينا .. ان فى حياتنا ثقوب كتيرة ..
وغالبا لو سبتها فتكون سايبة علامة فى حياتنا
ولما بتكتر وبيزيد عددها .. بتظهر للملأ
واظن ان احسن حل هو سد تلك الثقوب

يللا انتى كدا اكتشتفتى ثقب من حياتنا
بس اظن ان لسه فى ثقوب اهم واكبر
:)

مستنية بوستك الجاى
واشوفك قريب يا عثولتى
(F); February 29, 2008 at 8:20 PM
فزلوكة said...: آنسة نسرين
الثقب الأسود
إمممممممممممممممم
متهيألى معرفهوش

يا بنتى ركزى ..بيبنوا معتقلات جديدة
هتكون لمين غير أعداء الوطن والإنسانية بالمرة.... إللى زيك

نتقابل فى أبو زعبل

بالطبع أول زيارة ..لكن إن شاء الله مش هتكون آخر زيارة
بالتوفيق دائما; March 1, 2008 at 4:16 PM
ساعد نسرين الايمن said...: نسرين

انتي فينا
حرام عليكي
بقي يومين بس
هل تتحقق النبوءة
ام يبتلعنا الثقب الاسود; March 1, 2008 at 5:46 PM
ahmed mefrh said...: السلام عليكم
اول مره اقرا هذا التشبيه
الثقب الوطنى
جميل و الله
تحياتى ابو مفراح; March 3, 2008 at 5:24 AM
أحمد سعيد بسيوني said...: بسم الله
بل قولي الثقب الوثني لعدم وجود صلة له بالوطن اصلا
تحياتي; March 4, 2008 at 12:05 AM
Anonymous said...: السلام عليكم

بجد اشكرك على ما قدمتيه لنا من طرح لقضيه كبيرة بكلمات موجزه قليله
يعنى كده زى مبيقولوا
انجزتى واوجزتى
وبناسبه هذا الموقف الذى وقفناه اسمحى لى ان اردد ابيات من شعر صديق عزيز على قلبى

باعوك رخيصا يا وطنى فالكل مدان
وكيف اعيش فى وطن لا احيا فيه كانسان
يجرى النيل فيغرقنا وانا ظمان
والتربه الخصبه تربتنا وانا جوعان
والكل جبان
والكل مدان

اشكرك على الموضوع

الى لقاء..... ان كان فى العمر بقاء; March 5, 2008 at 10:08 AM
Unknown said...: ساعد نسرين

نورت يافندم

حلو شعر عبد الرحمن مع اني افضل اشعاره اللي بالفصحى

بعد الشر علينا من الثقب باذن الله لن يبتلعنا
واعتقد ان يبتلعنا ده تعني انه ياخذنا تحت مظلته او في عبايته

المهم ليا طلب صغير بس عند حضرتك

بعد اذنك لو تستبدل كلمه عزيزتي بااختي

:); March 5, 2008 at 2:08 PM
Unknown said...: بهاء

امييييييييين

وكان الله في عونكم

...........; March 5, 2008 at 2:10 PM
Unknown said...: ويل
ياااااااااااه
انتي لسه فاكره

يااااااه بجد انا مبسوطه انك فاكره حلم من احلامي; March 5, 2008 at 2:12 PM
Unknown said...: نهنوهتي

ايدي علي كفك هاتي قطن وانا اسد الثقوب ده

:)

نهي الثقوب بتعلم في حياتنا لو احنا استسلمنا وسلمنا ليها

لكن منكن قوووي اني اعدي علي ثقب وانط من فوقه وده مش يمنع اني عشان اعرف انط كويس اقع مره واثنين عشان اتعلم بس في قاعده لازم احطها قدامي المومن الكيس لا يلدغ من الجحر مرتين

ربنا يستر علي بقي ومش اقع علي جذور رقبتي
:)

نورتي الاهره ياعثل; March 5, 2008 at 2:16 PM
Unknown said...: فزلوكه

ايه يابنتي مش تغمزيني من تحت التربيزه

ياجدعان انا دخلت الصبح لقيت البوست ده مكتوب متعرفوش مين الشرير اللي كتبه

انا اعلن عدم مسؤليتي عما يكتب في المدونه ده :)

يجعل كلمنا خفيف عليهم

نورتي ياعثل

واكيد هزعل لو ده كان تعليقك الاخير :); March 5, 2008 at 2:20 PM
Unknown said...: ساعد نسرين

كلاكيت تاني مره

معلش يافندم والله مشغوله جدا جدا
اليومين دول; March 5, 2008 at 2:21 PM
Unknown said...: ابو مفرح

يمكن حضرتك تقرا التشبيه بس اكيد مش هتكون اول مره تحس بيه

كثير بنحس بااحداث لكن مش بنعرف نوصفها

لكن اكيد حسينا بيها

ومين فينا محس بالثقوب اللي ملت البلد; March 5, 2008 at 2:24 PM
Unknown said...: اخ احمد

ازي ملوش علاقه بالوطن

حضرتك مش واخد بالك ولا ايه

امال مين اللي مقلبنا

حضرتك ركز بس كدا; March 5, 2008 at 2:26 PM
Unknown said...: قمر الشتا

ربنا يكرمك

كلاماتك فكرتني بشعر العشماوي

باذن الله نشوف حضرتك تاني; March 5, 2008 at 2:28 PM
كفايـة طيبـة said...: هو يعنى ايه الثقب الاسود :D

وايه المقصود بالثقب الوطنى ؟

بعتذر لعدم فهمى للبوست والله بس فعلا انا كنت فاكرة الثقوب السودا بتاعت الفضاء علشان الصورة بس لقيتك فى الاخر بتقولى الثقب الوطنى فحصلي نوع من انواع الارتباك بس

سعيدة انى اكتشفت المدونة دي والله :D; March 6, 2008 at 1:06 AM
simple girl.. ..simple dream said...: هههههههه
حلوة اوى
والله عندك حق يا بنتى
الثقب الوطنى
هههه; March 6, 2008 at 6:05 AM
Unknown said...: كفايه طيبه

ياويلكم يا ويلكم
:)

بصي ياستي الثقوب ده بشكل مبسط في الاصل هي بتاعه الفضاء فعلا وهي عباره عن نجم قديم جدا انفجر وبقي عامل زي الفجوه السوده وبيسحب اي طاقه حوليه ولغايه دوات محدش يعرف اخينا ده بيوديها فين

ده بالنسبه للثقب الفضائي ولو حبيتي تعرفي اكثر انا بحب قوووي الحجات ده منكن افيدك

بالنسبه الثقب الوطني

اكيد من تعريف الثقب الفضائي فهمتي اقصد مين

ومش هوضح اكثر من كدا لحسن فزلوكه هرتني غمز; March 6, 2008 at 10:44 PM
Unknown said...: simple girl.. ..simple dream

واضح ان النكته عجبتك

هههههه

:)

علي فكره اسمك عجبني; March 6, 2008 at 10:47 PM