النهارده اتخذت قرار مهم هو اني اتلم شويه في البيت وابطل تنطيط
والقرار الاهم بقي
مش هشتري الجرنان ولا هشوف الطبعه الاولى ولا مني الشاذلي
واكيد مش هشوف 90 دقيقه هيه هيه هيه
مع العلم اني مبحبش اشوفه اساسا لاسباب لا تخفي علي احد
يبقي اكيد النهارده مش هكتئب
هيه هيه هيه
المهم قلت استغل تواجدي في البيت واعمل حمله اعدام جماعي لكارتين الورق الغريبه اللي عفي عليه الزمن عندي
وبدئت الرحله
كرااااااك...... شيييييييييك......ييك ييك... كرااااايش
كل ده كان اصوات للتقطيع ومش اي تقطيع
تقطيع تقطيع يعني
المهم وانا في قمه الاسبهلال من كميه الاوراق الغريبه اللي عندي واللي معرفش انا جبتها من فين اصلا
وقع في ايدي كومه حاجه كدا
اتضح في الاخر انه دفتر
او كان دفتر
طلع انه عندي يجي من 10 سنين كدا ولا بتاع
_انا بفكر افتح معرض اي والله _
المهم بدات اقلب فيه
وكل مااقلب صفحه اتنح
واهز راسي زي الكتكوت المبلول
وشويه واقوم انقط شويه ميه علي وشي
وشويه واقول ايه الافتري ده
بصوا هتفهموا لو نقلت لكم جزء يتجزء من الف الف جزء من اللي كان في المصيبه ده
في صفحه غبره من صفحاته مكتوب فيها
من فتره جم ارايب _ اقارب _ماما وجه معاهم واد غلس قووووي وعبيط كمان ويمكن يطلع اهبل
وكان معاه حته اتاري _ الاتاري ده حاجه شبيه بالبلايسيشن_ومش رضي يلاعبني بيه ولا يلاعب خالدوعمرو
_خالد ده اخويا وعمرو ابن خالتي _
قمنا خدناه عالمطبخ وضحكنا عليه وحرقنا ايده بملعقه الشاي
ههههههههههههه
_الضحكه الصفره ده كانت موجوده بالنص وبعدد الهائت_
ده صفحه
صفحه سوده تانيه كان مكتوب فيها
النهارده انا اتعلمت اعمل البيض الزاي
ياحلوتك يابت يانوسه
:)
افتكر اني وانا في تانيه ابتدائي لما ماما كانت بتروح الشغل
رجعت انا وخالد مره بدري
ولقيته بكل برائه بيقول
تيتي انا جعان
_ تيتي ده العبده لله _
وتيتي ده ليها حكايه تانيه اللي بيشوفوا عندنان ولينا منكن يفهموها
المهم
انا بصراحه ضعفت وجينات الحنيه جوايا ابتدت تلعب
وبحنيه الام
ولا يهمك ياحبيبي انا هدخل اعملك طبق بيض :)
وجري عالمطبخ
ومن جويا صوت عميق بيقول والله وكبرتي
وشويه وعوني كانت هدمع
المهم
جبت طبق زجاج محترم وحطيته عالنار وطش
طشيت الزيت
ورحت جري عالثلاجه اجيب البيض
واذا فُجاءهً
اسمع صوت انفجارات وطاخ طييييخ بووووم اترااااااش
لم اجرء علي الالتفات الا بعد سكون الغاره
جريت علي الطبق خير اللهم اجعله خير
معرفش ليه سعتها افتكرت الصحن الطاير بتاع جرنديز
المهم اكيد السبب ان ماما بتسترخص في شرا الحاجه
ومع هذا وذاك لم اياس
وجبت الضحيه التاليه قصدي الطبق التالي
وحطيته عالنار والمره ده حطيت سمنه _يكونش العيب المره اللي فاتت في الزيت _
ومشورت رجلي لغايه الثلاجه اجيب البيض
وخلال رحلتي كنت بتسائل هي الريحه ده جايه من فين
مش مشكله يابت يانوسه طالما مفيش اصوات الريحه مقدور عليها
ورجعت احط البيض
خير اللهم اجعله خير
فين الطبق ياجدعان؟؟
ادور يمين ... شمال مفيش فايده
كل اللي لقيته كوعبيره سوده بطلع دخان
وبعد تدقيق اكتشفت ان الكعوبيره ده هي مشروع الطبق البلاستك
اللي راح ضحيه تيتي انا جعان
المهم لميت الفضايح
وناديت
خلووووووووووودي
الواد جاي مزاطط فين الاكل
وانا بكل الطيب اللي جوايا
قلت له خذ ارمي الكيس ده تحت وان جبت لماما سيره هفجرك
مشي شويه وفي ايده الكيس وبعدين التفت
تيتي انا لسه جعان
وافتكر ان ده اخر كلمه نطقها الي يومنا الحالي
انا عارفه اني طولت عليك
لكن وانا بقلب افتكرت حاجه بس ده حصلت من سنيين
بكل بساطه جارتنا اللي قدامي ضايقتني شوووي
وكنت اياميها باخذ ضفاضع وديدان في الكليه
بكل بساطه حطيت ضفضعتين في جيبي ودخلت عندهم
والنبي يابنتي اعمل ليا كوبايه شاي
البنيه تخلت تعمل الشاي وانا سرحت كل ضفدعه في اتجاه
_شغل علي ميه بيضا _
ورجعت بتنا بكل بررراءه
وفين بعد ساع الصوووويت اشتغل
ياعبدوووووو الحقني
ههههههههههههههههه
انا قلت مسكوهم
لكن مسكوا مين بقي دول كانوا اثنين
فين الساعه 2 بيليل نفس ياعبدوووو بتاعه المغرب
هههههههه
كفايه بقي لحسن انا افتكرت العلقه اللي خذتها يومها
23 جرب تطيــر:
انا متأكدى ان العيب كان من الزيت فعلا
:D :D
بجد اسلوب تعبني من الضحك يابنتى ربنا يكرمك :D
المرة الجاية استعملي زيت الزيتون
أكيد أحسن وما بعمل مشاكل
:):):)
السلام عليكم
من خلال كلماتك هذه يتضح لنا انك ذات موهبه فى الكتابه منذ الصغر
بجد انا زعلت جدا لفقدك لهذه المذكرات
لكن القصه وما احتوته من برائه الطفوله اسعدتنى واضحكتنى كثيرا
الى لقاء
واآآآو
ربنا يكرمك ويسعدك ياآآرب
فعلاً ذكريات ممتعه
:)
بانتظار جديدك الشيق
تحياتي لـ إلكـ
سلاآم
هههههههههه
هو اكيد العيب فى الكبريت
تدوينة جميله جدا
keeeep posting
يكونش العيب في البوتاجاز ؟؟
اسلوب شيق جدا ياتيتي :D
وبعدين الضفاديع ذنبها ايه بس .. ربنا يعين عبدوووووووو
:D
زيارة أولى وان شاء الله لن تكون الاخيرة
دمتِ بود
اسلوبك رائع وعرض شيق
مدونتك تستحق المتابعه تقبلى تحياتى
نوسة حبيبتي
أموووووووووووت على اسلوبك المرح
الله لا يحرمني منك ومن مرحك الجميل
بس لحظة خلودي مسكين وش أكل في الاخير
كااااااي
ياختي اتلمي وتعالي أعطيك كورس في الطبخ:>
خخخخخخخ
أختك
قبس من نور
منيرة حلوة
منى منوره والله
ويارب يكون تعبك دايما من الضحك مش من حاجه تانيه
بالنسبه للزيت افتكر انه كان عافيه
مش عارفه ايه راي حضرتك فيه بقي ؟
:)
بهاء
طبعا الزيتون
حضرتك بتعمل دعايه
:)
عموما يامرحبا بالزيتون واهل شجر الزيتون
قمر الشتا
وعليكم السلام ورحمه الله وبركاته
ربنا يكرمك
بس علي فكره الكارثه الاولي نقلتها زي ماهي لدرجه اني قعدت اعد عدد الهاء عشان اكتبها بنفس العدد
اما الكارثه الثانيه
انا صرفتها شويه باسلوبي الجديد
وحادثه الضفضدع انا نقلت عبدووو بالحرف الواحد
انس
ربنا يكرمك ياباشمهندس
منتظرين جديدك برضوا
Wael
ربنا يكرمك
ويارب نكون عند حسن ظنكم
اسمااااااااااء
بحالها عندنا يامرحبا
وانا اقول المدونه لعلعت ليه ؟
بجد سعدت جدا بتعليقك
بالنسبه للبوتاجاز
كان كريازي
بالنسبه للضفادع
ده رحله كفاح
وعشم
:)
عمر المصري
ربنا يكرم حضرتك
منيييره الحلوه (مش قووي يعني )
ازيك يابنتي رني عليا لان موبايلي كل يوم بحاله عايزه نمرتك ونمره باقي البنانيت
طيب تسدقي اني فعلا نفسي اتعلم منك عمل الحلويات
انا مش بحسد
:)
العيب اكيد فى الزيت التعبان الرخيص بتاع زمان
اما الزيت ابو 10 دلوقتى
لا يهمه طبق بلاستيك ولا ورق كمان
ويعمل البيض لوحده كمان
فرنسا هانم
امممممممممممم
عشان كدا الزيت غلي
اممممممممممم
ايون كدا الفلوس كدا تبقي حلال
طلما زودوا الاوبشن
يبقي من حقهم يزودوا السعر
من جهة انتى كدا فعلاً
فهو اااه انتى كدا ونص وتلات اربع كمان
:D
بجد موتينى من الضحك مع انى قرأت الحاجات دى مرة قبل كدا بس ضحكت تانى مش عارفة ليه
يللا خير :D
خلى بالك من نفسويتك يا نسرينا ههانم
نهنوهتي
اخيرا صلحتي السن توب بتاعك
مبرووووك
طبعا انتي بتقراي الحاجه قبل نزولها بسنين :)
متخفيش عليا انا كويسه الحمد لله ;)
كلماتك رائعة يا دكتورة نسرين بارك الله فيكي علي فكرة أنا سعيد جدا من موضوعاتك
Khaled Elsadek
منور يافندم
وربنا يكرم حضرتك
وسعيده بمروورك
هههههههههههههههههه دمك زي السكر تسلمي ...
Post a Comment