مواقف كثيره بشعه جدا ومحرجه بتحصل ليا
والعامل المشترك فيها كلها
هو انا والنوم
:)
كان اقرب المواقف ده
اني بقدم
presntation عن presntation skills
ولكم ان تتخيلوا اني اقول جمله من هنا واعمل عكسها تمام
تقدروا تقولوا كنت فاصله
ميه
ونور و
DSL
او زي مابيقولوا هم يبكي وهم يضحك
***********
موقف تاني كنت عايزه انام بشده برضوا
كنت خارجه مع ماما
وعدينا علي حلو الصمدي
وماما قالتي يانوسه حلو الصمدي اهو
انا:والله هو انتي ذقتيه
قالت : لا
انا: امال عرفتي من فين انه حلو
تنحت شويه وبعدين قالت هو حلو الصمدي
قلتلها ايون ماشي مين بقي اللي قالك
اه يبقي حد قالك عليه انه حلو
تنحت اكثر
يابنتي بقولك ده حلو الصمدي
انا بقي وخلاص اتنرفزت ماااااشي عرفتي انه حلو ازي بقي ؟؟؟
ياساتر
بلاش اقولكم اللي حصل بعدها
:)
***********
مره دخلت محل المالكي لكن اكيد مش عشان اكل
لان ده كان اخر شئ منكن اني اعمله سعتها
وانما دخلت اسئل علي اوكسي البمبي
ومش اخذ بالي ان المحل فيه كراسي وطرابيزات
قلت يابت يمكن بيحبوا يريحوا العمله بتوعهم
مش اخذ بالي من الثلاجه
قلت يابت ده واجب الضيافه دخلت على الكونتر علطوووووول
انا: لوسمحت عايزه كيس
وسكت
والراجل تنه مستني علي اعتبار انه هياخذ الاوردر
وانا سانده بايدي عالكونتر وشبه نايمه
فين بعد دقايق لما لقاني قاعده نايمه وساكته
حضرتك تحبي تاكلي حاجه
انا قلت في نفسي اااااه عايزين يضايفوني
مفكرني هشتري مجموعه
او جايه تبع شركه دراي كلين
رشووووه يعني
وهقعد بقي علي ترابيزه
ويجيب الكتالوج وعينات
وهسمع كلام مندوبين المبيعات اللي مش بيخلص
ونظام نحن نختلف عن الاخرين خاااااااااالص
هزييييييت راسي جامد وفقت
وقلت له لا حضرتك انا عايزه كيس اوكسي واحد بس
مش مجموعه
الراجل احول
وبعد برهه لما فاق
قالي حضرتك احنا هنا حلويات المالكي تحبي تاكلي حاجه
تييييييييييييييييييييييييييييييييييييييييش
الدنيا ظلمت اكثر مهي كانت مظلمه
وبدون كلام سحب نفسي وخرجت من المحل
وبره المحل
بصيت للوحه البمبي اللي طلعت مش بتاعه اوكسي البمبي
وسعتها شفت المحل بنظره تانيه خالص وشفت الترابيزات بنظره تانيه برضو خالص
وبعد خمس دقايق كنت قاعده علي تربيزه من الترابيزات ده وانا باكل رز بلبن من غير مكسرات
بس اكيد مكنش واجب ضيااااااااااااااااااااااافه
الله عليكي يامصر
*********
المره ده الموقف جمع بيني وبين نهي والنوم برضو
اللي بيقعد جنبي بيتعدي اظاهر
المهم
كنا لسه مخلصين عمل عمره
ومخلصين عمل عمره ده تحتها 100 خط
المهم بقي
كنا تعبانيين جدا جدا جدا ومع ذالك اصرينا اننا نصلي التراويح او القيام والله مش فاكره
المهم
الامام سجد واحنا وراه
والناس تقوم وتقعد وتركع واحنا علي نفس السجده
:D
فين وفين لقينا واحده بتشدنا من الطرحه
ياولاد روحوا بيتكم ارتاحوا
انا ونهي ابدا لازم نكمل
:D
وقال ايه اخذنا بندول _ علي اساس انه ملبس_وكبر الامام
واحنا وراه
سجد تاني وقام واحنا ولا معاه
كملنا القيام سجود
قمنا والناس بدوس علينا
:)
*************
موقف برضوا جمع بيني وبين نهي والنوم
علي فكره مش دول بس الموقفين كان في موقف صعب جدا للنوم
في المدينه
صعب اني احكيه
هههههههههه
المهم
الموقف ده في المدرسه وفي ثانيه ثانوي بالتحديد
كان درس كميا
وكالعاده عايزه انام جدا
والمره ده كان عندي برد وسخنه
كنت شبه مستر سمث زي مااصحابي بيحبوا ينادوني
او رائد الفضاء
بسبب الجاكت اللي كنت لابساه
:)
المهم
راسي كل شويه تقع مني
وتقع تاني وثالث
ورااااااااااااااااااابع
قمت صعب علي نهنوهتي
قالت ليا نامي وانا اشرحلك كل اللي هيفوتك
شفتوا الصداقه الصدوقه
انا مسدقت رحت نايمه علطووول
بس كنت شبه سامعه طراطيف الكترونات بتلف حوليا
وبدات احلم
وده كارثه تانيه
:)
المهم بدات احلم بالالكترونات والنواه وهي بتتحرك
ووسط الشرح المس قالت حاجه عن الحركه او حاجه فيها حرف الحاء او الكاف مش هتفرق
المهم انا قمت
وضربت بايدي علي الدسك جااااااااامد
ورفعت ايدي الثانيه جنب وشي
ووقفت
ومتناسيه المقوله اللي بتقول _ صوتك العالي دليل علي ضعف موقفك_ سمعت المدرسه كلها صوتي
وانا بقول نعم انها تتحرك
وبعدها ادركت حجم المصيبه اللي انا فيها
انا في اول دسك واقفه رافعه ايدي بطريقه عجيبه
وفي فصلين مجموعين علي بعض بيبصوا متنحين ليا
والمس فاتحه بقها عالاخر
مش عارف ليه؟
طبعا لولا الاخت نهي لحقت مايمكن الحاقه
شدت ايدي نزلتها جنبي وشدتني قعدتني
وبصوتها الحاني قالت هو ايه اللي بيتحرك ده
وحطت وشي عالدسك
ولكم ان تتخيلوا كميه الضحك اللي اتفتحت كل ماي حاجه تتحرك تيجي في الموضوع
سنتها فضلت لاخر السنه اعشق اي شئ بيتحرك
واتسال عن اي شئ بيتحرك
طبعا مكنش ينفع اقول اني معرفوش
علي اساس اني مكتشفه نظريه الحركه النسبيه بالحلم
زي ماكيوكلي عمل لما اكتشف حلقه البنزين
********
ده غير اني مره في معمل
analytical
حذفت الانبوبه اللي في ايدي في الحيط
من غير اي سبب
انا والله فعلا وقفت بعدها فتره طويله احاول افهم انا عملت ايه
بصيت حوليا محدش خذ باله ..... الحمد لله ...هيه هيه هيه ربنا ستر
نسرين ايه اللي حصل ؟؟
السؤال ده خرم ودانتيني
كانت بنت جنبي مخدش بالي منها
المهم اقنعتها انها السبب لانها وهي بترج الانبوبه بتاعتها حذفت عليا شويه فانا اتخضيت
البنت تنتها تعتذر وانا اتسال؟؟
*********
كفايه نوووووووووووووووووووووم بقي
19 جرب تطيــر:
حركتاآآت
مواقفك زي العسل
;)
امممممم
احلى المواقف مع صاحبتك
ياآررب يديمكم على الخير دايماً يااارب
بالتوفيق
تحياتي
هههههههههههههههه
شوية مواقف رايقة بصراحة
وأكد ماخفي كان أعظم
تحياتي
لا ربنا معاكى بجد
اى نعم انا لما بفصل كده بقول كلام مالوش علاقه بحاجة بس مش للدرجة دى
عموما لوزة صاحبتى ليها فى المواقف دى كتييير
اكتر مرة بعد رحله لدريم لقيتها فى الباص جايه من بعيد نايمه على نفسها.بقولها انتى جايه منين شاورتلى على كرسى و قالتلى "من اللعبه نمرة اربعة"
:)
انس
ربنا يكرمك
عموما الصحوبيه بتعمل احلى مواقف
واحلي ذكريات
وبصراحه احلي حاجه ان يكون ليك اصحاب بيكملوك
يعني انت تنام في الكميا وهما يشرحوا ليه
هما يناموا في درس
math
وانت مش مهم تشرح ليهم
:)
بالنسبه لاصحابي اللي بجد
هما نهي محمد وده علم مولع
:)
مي مجدي وده العقل والجنان مع بعض
:)
نهي ندا
العسل والشقاوه و....... ولا بلاش
;)
وناس كتييير طبعا
*******
صاحب المضيفه
تقدر تقول زي ماقال د.عائض بحاول اعمل من الليمون شرابا حلو المذاق
بالنسبه لما خفي بقي
فانا في مداولات مع نهى محمد عشان متجبش سيره البطيخ
:)
*******
سخسوختي
:)
:D
بجد ضحكت قووووي
يالوووزه
انت فكرتيني بفيلم حكايه لعبه
لما اللعبه اللي في الملاهي بتقول وهي نايمه
متزعلش الونييييييييييش
:)
:D
سلامي للونيش بقي
جميلة المواقف
وخصوصا ان كلها على النوم
وبلاش تكتري كلام عن النوم
أحسن الواحد بيغفى على الريحة
ههههههههههه
البرزنتيشن هههههههه
بصراحة انا عارفة سبب اللى حصل فيه
عارفه يا نسرين ولا اقولهولك
؟؟
مش هتعبك فى التفكير هقولك وامرى لله
هى مقطوعة عمر خيرت اللى انت ملقتهاش لو كانت اتحططت اكيد كانت حاجات كتير هتفرق :D
ولا يهمك يا جميل
:D
وبخصوص صلاة القيام كانت من اجمل العمرات اللى عشتها بجد
عمرة رمضان تانيه ثانوى
بس انتى نسيتى موقفين مهمين جدا جدا
الاول :
وانت عندى فى البيت لما رجعنا من المدرسة على بتنا واتغدنا ونمنا شوية قال يعنى بنريح بعد الاكل :D
المهم وانا بصحكى بقولك نسرين .. نسرين قومى
لاقيت اللى بترد عليا :
جذر سين تكعيب
نسرين يا حمارة قومى سين وبتاع ايه
نسرين : جذر سين تعكيب
:D
لغايه ما قومتها بطريقتى
الموقف التانى فى تعليق آخر
:P
الست نسرين جاية تحكى الموقف وهى مضايقة جدا جدا
وتعبانة وحسه بغلو الاسعار الفاحش
جاية تقولى شوفتى الخيبة التقلية والله الواحد معدش عارف يلقيها منين ولا منين
قولتها خير
قالت :
قعدة فى البيت فى آمان الله لاقيت اللى بينادى
قمر وحلاوة .. على السكين واكسر
طلعت اشوف مين اللى بيتقتل بره
لاقيت واحد معدى ومعاه بطيخ وبيقول
بجنيه ونص
قمر وحلاوة
بجنيه ونص
قولت فى بالى يا بلاش والله ناديت عليه بعلو ما فيا وقولته عاوزة اتنين
طلع الاتنين وجهزت ( التلاتة جنيه ) تمن البطختين
حط البطختين وبديله التلاته جنيه
قالى فى بقيت الحساب يا ابله
قولته اهو تلاتة جنيه مش الواحدة بجنيه ونص
لاقيت بيبصلى كدا وعلامات التعجب ظهرت فوق دماغه
وقالى الكليو بجنينه ونص
تمن الاتنين 15 جنيه
قولتله ايه
15 ايه
مش سماعه
اقولك خدهم وانزل مش عاوزة بطيخ خااالص
هههههههههه
نزلت الراجل بالبطيخ بعد ما طلع المفترية
هههههههههههههههه
وهى بتحكى كانت بتتكلم على غلو الاسعار
وازاى البطختين يبقوا ب 15 جنيه
الكلام ده من حوالى 5 سنين
اتفرجى يا نسرين هانم
دلوقتى البطخية فوق 15 جنيه
يللا كويس انك قطعتى البطيخ من يومها
:d
حبينا نناديكى تيجى تحضرى اول عيد ميلاد للمركب عندنا
ما تتأخريييش
يانهارى يانسرين
انا مبطلتش ضحك من اول البوست لغاية آخره :D
بجد انتى مش طبيعية :D
ابقي اعملى تحديث وزودى الموقفين اللى نهى حكيتهم :D
عشان تبقي الفوديحة كاملة بكل تفاصيلها على الهواء
:D
بهاء
الحمد لله انك رجعت تكتب هنا تاني
:)
والله من غير حكي عن النوم الواحد غفيان لحاله
*****
نهى
شكل صحوبيتنا لغايه هنا وهتنتهي
:D
انا فعلا كنت ناسيه الموقفين دوووول بس ربنا يكرمك بقي
علي فكره بعد مرور اكثر من ثلاث سنين اكتشفت ليه مدرسات الفزيا والرياضيات بالذات بيتجنبوا يوجهو ليا اي سؤال
:)
علي فكره بما ان الرياضه جت في الموضوع
الاخت نهي ليا موقف مع النوم برضوا
كان في حصه رياضيات
والمس كتبت كذا مساله
وطلبت ان حد يطلع يحل
وبما اننا كنا في عداد الشطار _ خذوا بالكم من كنا ده _ فكان لازم نرفع ايدينا سواء كنا نعرف او لا
:)
:)
وبما ان المسائل كانت صعبه جدا فعلا وعايزه تفكير
كنت انا ونهي وبنتين اثنين بس اللي رفعنا ايدنا
انا كنت متدردده لاني كنت لسه بفكر
ونهي كانت نايمه اساسا
ومع ذالك صوتها بوظ سمعي لغايه دوات
وهي علي صرخه واحده اانا انا انا
بصراحه انا اعجبت جدا بالموقف البطولي واصرارها
ولما المس لاحظت نفس الاصرار والحمااااس طلعتها عشان مش تكسر بخاطرها
نهي طلعت من هنا ووتنحت قدام المسائل
هههههههههههههههههههه
المس : متحلي يانهي
نهي : احل ايه؟؟؟
المس: مسئله من اللي عالسبوره
نهي : تضحك قوووووي وتقول لا انا كنت مفكراكي عايزاني اسمع القاعدات
المس ودمها اتحرق خلاص : ارجعي مكانك واسكتي
:s
انا وهي مبطلناش ضحك يووومها
:)
نهي
كلاكيت تاني مره
تصحيح بسيط
موضوع البطيخ ده كان من سنتين بس
ايام مكنت بحاول اوفر في مصروف البيت
بعد كدا اكتشفت اني لو وقفت علي شعري مش هوفر برضو
وده اللي خلاني ارجع البظيخ
قال 15 جنيه قاااااال
:)
يامنى
حرااام عليك
خليني كدا يمكن حد ينخدع في المظر العام
ويعمل في ماما وبابا ثوااااب
:)
يابنتي خذيها من باب من ستر مسلما
:D
السته بتوع صهلله
نورتوا
وكل سنه وبلجتكم شقيه
وعقبال منفرح بيها الفرحه الكبيره بقي
وتجيب بلوجات وبلجييييييييير صغننين
:)
مبطلتش ضحك بجد
موقف المالكي ده موتني من الضحك
والحركة ده موقف عمري ماانساه
انتي نسيتي اصلا تشرحي نظرية الاقلام الكتير اللي كانت زي التوك كده
انتي ونهى لو اجتمعتوا يبقى عليه العوض
عمرة مكة والكول سلو
حاجات من دي يعني
ليكى تاج عندنا :)
يويو
:)
اه صحيح ده انت وولاء كنتم موجودين معايا في نفس الفصل يوم نعم انها تتحرك هههههههههههههه
انتم كنتم الفصل التاني اللي اتجمع عندنا
(اسمايل عاوج بقه)
بالنسبه للاقلام اللي كنت بلم بيها شعري بدل التوك _ الجيش قالك اتصرف_ ده هو الابداع بقي في استخدام الماتريل
:)
******
السته المصهللين
:)
ليه كدا بس
هو احنا مش زمايل برضوا
:D
وماما قالتي يانوسه حلو الصمدي اهو
انا:والله هو انتي ذقتيه
قالت : لا
انا: امال عرفتي من فين انه حلو
هههههه
جميل جدا البوست ده
المدونة كلها جميلة
keep posting
وائل
ربنا يكرمك يادكتور
:)
هههههههههههههههههههههههههههههههههههههههههههههههههههههههههههههههههههه
بجد مواقف تحفة قوي
أنا فطست م الضحك مع إني كنت متضايقة جداً
جزاكِ الله خيراً عني
:)
Post a Comment