امممممم
التاج ده جالي في وقت غريب قوووي من ظوظو _السته بتوع صيدله_وبحب اعبر ليكي عن حبي ياظوظو واقولك
التاج علينا حق
ولو عرفتي تبطلي تضحكي بصوت عالي قولي ليا
;)
التاج بيطلب مني اكتب عشر حجات عن نفسي
انا حاولت فعلا اكتب الحجات اللي بسمعها من الناس عني
او الحجات اللي انا متاكده انها موجوده فيا
بسم الله نبتدي بقي
**********
1)
اسمي في ملفات الحكومه... نسرين المهداوي
النسرين ده بقي ورده بيضا شديده الرائحه
وملهاش اي علاقه لا من بعيد ولا من قريب بالجلسرين ياجماعه
ولا ليها علاقه اساسا باي حاجه للقشف
:)
كلها شهر ويبقي عندي 21 سنه
بدرس ابر ... سرنجات... حقن ومشتقاتهم
2)
بلبس كوتشي دايما ونادرا جدا لما البس حاجه بكعب (بحن لاصلي برضوا)مقاس 37
3)
بحب اشوف افلام الرعب جدا جدا
واسمع انشوده انا طير ... بحب النور... نوسه ... علي مدارسكم.... يوما سنعود... ساصبر
4)
الانطباع الاول اللي الناس بتاخذه عني
هاديه ... انطوائيه ... طيبه
وبعد فتره من التعامل
سوده من جوا نوعا ما
:)
... حركيه جدا _ لدرجه اني سعات باكل وانا بتحرك_ عنديه ولمضه ساعات
... عصبيه جدا وقت الشغل
5)
في العموم حياتي عامله زي سلك التلفون كل متسلكه من ناحيه يتكعبل من الناحيه التانيه
غالبا هجيب تلفون ويرليس
:)
6)
اكثر شئ يستفز مشاعري ان شخصيه قريبه مني تتعمد انها تتجاهلني
بنبها مره واثنين وبعد الثالثه بعتبر ان الشخصيه ده مش موجوده اساسا
ولاني مش بزعل بسهوله فزعلي بشع بكل المقايس غالبا لاني حساسه جدا
وده اكبر عيييب فيا
ربنا يتوب علينا بقي
7)
ايام الامتحانات ..... بقص شعري قوووووي
لاننا بنبقي محتاجين الاقلام
:D
ببقي عصيبه اكثر
ومبهدله جدا وشكلي غريب
من الاخر ببقي شبه ام سيد
:D
بعرف ادي في الشغل او الدراسه العملي قوووي وببقي مستمتعه
.وخايبه جدا في الحفظ والشغل او الدراسه النظري بيسبب ليا ملل
8)
اكثر شئ يسبب ليا اكتئاب هو اني معرفش انا عايزه ايه
او وقت الفراغ
والغريب في حاله الاكتئاب بتاعتي اني بضحك فيها بهستريه جدا
وبعدها اعيط وقت طووويل(لما بعيط ببقي محتاجه شئ ومش قادره القاه)بهدى
اذا اتحلت مشكلتي مع نفسي او انشغلت بشغل كثييير
او حد طلب مني اساعده في حاجه
9)
معرفش انام من غير دبتي
واحلامي _ اللي بشوفها وانا باكل الرز بلبن مع الملايكه_ غالبا بتتحقق
عشان كدا بخاف منها
10)
بجمع جوايا صفات متناقضه
وده سر شوبيس
اللي مخلي اللي حوليا مش يفهمني بسرعه
*********
اتمني اني اكون قلت كل حاجه عن نفسي زي ماهو مطلوووب
:)
احذف التاج بقي
نهى .... حته سكر
بهاء .... اوراق الورد
ايه .... فلسطنيه الهوى
Just - amuslim ويل
17 جرب تطيــر:
شخصية مختلفة في حاجات كتير بجد
وأحلى تشبيه هو سلك التليفون اللي بتقولي عليه
الحكاية دي ساعات بتحصل مع الواحد كتير جدا
تفتح منها تلاقيها قفلت من هنا
ربنا يستر ويسهل لنا الخير في كل وقت يارب
تحياتي
ماشاء الله
شئ جميل.!
تحياتي
أنا قلت ربنا هدى الناس وبطلوا حكاية التاجات من زمان
أدخل ألاقيكي باعتالي تاج
ومش أي تاج
أنا مش عارف شو أقول عن نفسي في 10 أشياء
عموما إن شاء الله أبقى أجاوبه بعد ما أسأل الناس عني :)
يمكن في شيء مشترك بيني وبينك في اني بكره الامتحانات والنظري جدا جدا
صاحب المضيفه
انا مفهمتش يعني ايه شخصيه مختلفه
هل تقصد مختلف مع نفسي (متناقضه يعني )ولا مختلفه عن اللي حواليا؟؟
******
انس
ربنا يكرمك
مع ان كثيير من اللي حواليا مش شايفين الحجات ده جميله
******
بهاء
بتوع صيدله قالوها
التاج علينا حق
:)
منتظرين اجاباتك يافندم
ايام الامتحانات ..... بقص شعري قوووووي
لاننا بنبقي محتاجين الاقلام
:D
ببقي عصيبه اكثر
ومبهدله جدا وشكلي غريب
من الاخر ببقي شبه ام سيد
----
أضحك الله سنكم
وبوركتم
الف مبروووك ^_^
بس على فكرة بقي ... انا عايزة اسال عن حاجة
هو التاج ده كامل ؟؟
معقول تاج سؤال واحد كدة :(
ملحقناش نقرأ :(
طيب كنتى تقولى 50 حاجة عنك منعرفهاش :D
مش تجاوبي زي ما يقولولك كدة ... ده كلام ده :(
طبعا أول مرة آجى هنا
وأكيد أكيد مش آخر مرة
عايزة أقولك أنا التاج جايلى من شهر تقريبا
وهجاوب عليه بعد شهر برضوا
وطول الوقت دا عمالة أفكر هقول إيه فيه !!!!!!!!!!!!!!!!؟
المدونة واضح إنها عايزة تتقرى من أولها لآخرها
إن شاء الله أخلص إمتحانات وأطلب اللجوء عندك
أما الإجابة بتاعة التاج
فدمها خفيف جدا جدا
بالتوفيق دااااااااااائما
هم كل بتوع صيدية كده ؟؟؟؟؟؟؟
الإجابات فيها حاجات كتييير شبة متناقضة
حركية و إنطوائية
مسش عارف ...شخصية حضرتك باين عليها كاريزما لوحدها
البقاء لله ..انتقلت الى رحمة الله جدة أختنا آية الفقي صاحبة مدونة فلسطين الهوى مصرية الارض يوم الاحد الماضي الموافق 1\6\2008 الساعة العاشرة صباحا عن عمر ناهز التسعون عاما بعد صراع مع المرض
والفقيدة والدة الدكتور سعد عمارة الطبيب الاخواني المعتقل
والدكتور حامد عمارة الدكتور الجامعي..
والسيدة فكرية عمارة زوجة الدكتور عبدالمجيد الفقي المستشار الباطني بالمملكة العربية السعودية ..والدة آية
ولواجب العزاء ..اما على مدونة آية ..
او الاتصال على هاتفها رقم ..0020107283668
تغمد الله الفقيدة بواسع رحمته وانزل على اهلها الصبر والسلوان وانا لله وانا اليه راجعون
http://www.ikhwanonline.com/Article.asp?ArtID=37700&SecID=105
خبيب
اميييين يارب
بس ده من طوقوس الامتحانات فعلا
:)
برتوكلات ممتحنين
*****
منمن
والله برئ يابيه
هو التاج فعلا سؤال واحد
وبعدين حرام عليك ده انا قلت حجات كتيييير قوووي كفيله انها تقعدنا في بيتنا الي اجل مسمي
:D
وياستي عشان مش تزعلي
هقولك حاجه بس سر
بحب الفخفخينا بتاعه اشرف فرغلي قووووووي
:D
*****
فزلوكه
علي فكره ده مش اول مره تيجي فيها هنا
انتي نورتيني قبل كدا
:)
وربنا يوفقنا كلنا في الامتحانات يارب
*****
جمعاوي
والله يافندم بتوع صيدله مظلومين
دول اغلب خلق الله
بالنسبه لكرزما ده
لسه سمعاها النهارده تاني
واحده مروحه معايا واول مره نتكلم
لقيتها بتقولي
ايه ايه ده
انت غير ماكنت مفكراكي ده انتي طلعتي دايسه
(وش مسبهل )
هو غالبا لازم القي حل للتناقض ده
********
ولاء
جزيتي خير
وتغمد الله جده ايه في رحمته
انا لله وانا اليه راجعون
وأنا أقول المدونة دى شكلها مش غريب عليا
طيب يا ستى نولتى شرف زيارتى مرتين
دا مش لأى حد على فكرة
دا للناس المخصوصة بس
أمتعتينى وضحكتييييينى جدا جدا جدا
بالتدوينة إللى فاتت إحراج للصبح
نظرا لو ضعى الجميل مع النوووم برضوا
أصل أنا قولت هاخد الدونة على مراحل
مع كل بريك مذاكرة أقرا جزء
دعواتك بقى أخلص السنة دى
:D
ماااشى
انا كنت عارفة كل التدوينة دى
فيما عدا مقاس الشووز بتاعك بصراحة انا توقعته 38
اما الباقى فقديم :P
ومبروك على تانى تاج لكى
وان شاء الله فى زيادة مستمرة
وان شاء الله اجاوب عليه ولكـــــن
بعد الامتحانات وعليكى خير
يللا دعواتك وبطلى قعاد على النت
خليكى فى التحليلة
دى حتى الكميا مش غدارة ولا حاجة :D
على قد ما تذكريها تديكى
فوق دماغك
هههههههه
ربنا يوفقك توموروو ان شاء الله :)
فزلوكه
:D
ماشي ياستي
بس على فكره كل بريك ليه حسااااب لوحده
:)
ربنا معانا في الامتحانات
******
نهنوهتي
يابنتي الحمد لله لقيت حاجه واحده انتي متعرفهاش عني
;)
الحمد لله انت طبعا عارفه اللي انا عملته في امتحان النهارده
:D
شوفتي كوبايه الشاي بلبن الفجر تعمل اكثر من كدا
الله يسامحك
:)
شدي حيلك في الاورجنك
وربنا معاكي يكوكو
el bet hatmasel ba2a... es2alony ana 3anha.. 3ebar el donia kolaha feha .. we law mesh mesada2ny shofo be nafsoko..
http://chatqatar.com/srtan.htm
مي
عبر الدنيا
ده انتي بعد اللي عملتيه
ابقي شوفي مين ياخذك معاه يوم الاثنين الجاي
:D
كله سلف وديـــــــــــــن
:)
Post a Comment