السلام عليكم
معلش ياجماعه اتاخرت عليكم
انا عارفه ان اعذاري كثرت
وقريب هعتذر عن كثر اعتذاراتي
:D
في اخر البوست اللي فاتت كنت وعدتكم اني اجيب بعض مواعيد
برامج مفيده في رمضان
وورد محاسبه
وبعض النوايا الخفيفه اللي منكن ننويها للشهر كله
اتمني انها تعجبكم
*****
بسم الله نبتدي مع
بعض نوايا رمضان
منكن ناخذ نيه باننا صومنا عن الحلال لارضاء ربنا ليه بقي مش يكون من الاولى اننا نصوم عن الحرام استرضاء لله
ومنكن ندخل رمضان بنيه اني عبد من عباد الله الذين يفاخر بهم
ومنكن نحط الايه الكريمه اللي بتقول (واذا حييتم بتحيه فحيوا باحسن منها او ردوها) قدامنا ونفهم ان رمضان تحيه ربنا لينا
فاين رد التحيه ؟؟؟
ومنكن نطمع في الحديث الشريف من صام رمضان ايمانا واحتسابا غفر له ماتقدم من ذنبه
طبعا ده نوايت بسيطه
ياريت اللي عنده زياده يضيفها للافاده
:)
ومنكن كمان نخلي لينا شعارات لنا في رمضان
ومنكن نقسم رمضان الي ثلاث اقسام
كل عشره ايام في قسم
وكل قسم ليه نيه وليه شعار وليه دعوه معينه نركز عليها
ومن الشعارات اللي منكن نرفعها في رمضان
(قلبي وقف لله )
(وعجلت اليك ربي لترضى )
(وامرت ان اكون اول المسلمين )
(ساعبدك كما لم اعبدك من قبل )
واكيد انتم عندكم شعارات كثير ياريت برضوا تكتبوها
:D
نيجي بقي لقرائه القران
ايه رايكم لو نخلي دايما معانا نوته صغيره جنب مصحفنا
وكل يوم ناخذ اكثر ايه اثرت فيك او وقفت قدامها ونكتبها في النوته ده
بحيث يخلص الشهر وانت معاك مجموعه من الايات اللي بتاثر فيك
وبتكون مفتاح لنفسك تقدر تفتح بيه في اي وقت خارج رمضان
وياريت نكون بنقرا ونحفظ في مصحف واحد عشان الايات تثبت في ذهنك بسهوله
يعني مش كل يوم نقرا في مصحف مختلف لان ده بيشتت الذهن
منكن كمان نجيب كتاب قلعه الاخلاق للدكتور خالد بوشادي او كتاب الثمن الجنه برضو لخاد بوشادي
وكل يوم ننفذ خلق من الاخلاق اللي موجوده في الكتاب
ومن الكتب الحلوه برضوا لرمضان كتاب صفقات رابحه
ده اكثر من رائع وهيكون سهل انك تنفذه في رمضان
بالنسبه للدعاء بقي
انا عن نفسي بحدد خمس دعوات لكل رمضان بركز عليهم قووووي
ازي بقي ؟؟؟
بصوا ياجماعه
_ الله عليا لما بحسن اني هقول حاجه مهمه_
:D
اليوم فيه خمس صلوات
انا بقسم الدعاء بعدد الصلوات
يعني من الفجر للظهر بركز علي دعوه واحده
ومن الظهر للعصر دعوه تانيه
وهكذا
طبعا ده غير اننا بندعي بحجات كثيره طول اليوم بس بنبقي مركزين قوووي علي الدعوه ده
ومن الجميل في رمضان بالذات انك تخلي الصلاه هي الفاصل بين عمل وعمل تاني
:D
وحاجه تانيه بحب اعملها اني اكتب الدعوات اللي دعيت بيها في ورقه
اولا عشان مش انساها
وثانيا لاني اوقات بتجيلي حالات فتور فمش ببقي قادره ادعي فبطلع الورقه واقراء بس
ثالثا بتبقي حلوه قوووي لما تعدي عليك شهور وتلاقي الدعوات ده بتتحقق
وعلي فكره ده بتبقي علامه من علامات قبول رمضان
امممممممممممممممممم
ايه تااااني يانوسه
امممممممممممممم
نيجي بقي للبرامج
وباذن الله تكون المواعيد مظبوطه
برنامج عمرو خالد
قصص القران
وهيكون ان شاء الله علي
المحور والرساله ـــــــــــــــــ 11 مساء .... بتوقيت مكه المكرمه
وهيتذاع برضوا علي ابوظبي
وهيبقي في بث مباشر علي موقع الاستاذ عمرو خالد
Amrkhaled.net
وهيبقي في بث برضوا للبرنامج علي اذاعه النت راديو صوتكم
********
برنامج مصطفي حسني
الكنز المفقود
اقرأــــــــــــــــــــــ 12 مساء بتوقيت مكه
والاعاده ــــــــــــــــ 6:30 صباحا بتوقيت مكه
والاعاده الثانيه ــــــــــــ1:30 الظهر بتوقيت مكه
********
معز مسعود
الجزء الثاني من الطريق الصح
وبيجي علي المحور قبل الفطار
وعلي ابو ظبي والراي
بس اسفه معرفتش اجيب الوقت بالظبط
**********
د.زغلول النجار والاستاذ جاسم المطوع
برنامج الاعجاز الاجتماعي
اقرأـــــــــــــــــــ 3:30 العصر بتوقيت مكه
وعلي قناه الناس
بس معرفتش التوقيت
**********
د. طارق السويدان
برنامج قصه النهايه
قناه الكويت ـــــــــ 11:30 صباحا بتوقيت مكه
برنامج السيره الخالده
علي قناه
MBC
3:30 العصر بتوقيت مكه
برنامج روائع من حضارتنا
قناه اقرأ ــــــــــــــــــــ 5:30 العصر بتوقيت مكه
الاعاده ــــــــــــــــــــ 10 صباحا
برنامج روائع القصص
اقرأ ـــــــــــــــــــــــ 7 المغرب بتوقيت مكه
اوربت ــــــــــــــــــــــ 12:10 الظهر بتوقيت مكه
برنامج صناعه النجاح
قناه Smart way
12 am
بتوقيت مكه
برنامج علمني التاريخ
علي قناه الرساله
**********
برنامج فلسطين ارض وحكايه
اقرأ ــــــــــــــــ 3 العصر بتوقيت مكه
***********
صلاه التراويح من المسجد الاقصى
اقرأ ـــــــــــــــ 4 صباحا بتوقيت مكه
**********
د. محمد العريفي
برنامج دلائل وشمائل
أقرأ ـــــــ 6 المغرب بتوقيت مكه
*********
الشيخ محمد حسان
برنامج اوصاني خليلي
اقرأ ــــــــــــ 7:30 المغرب بتوقيت مكه
*********
د. عائض القرني
برنامج اسعد امراه
علي قناه الرساله
********
ههههههههههههههههههههه
كفايه كدا
نيجي بقي لجدول المحاسبه
بصراحه كنت ناويه احطلكم الجدول بتاعنا اللي شبه الريس ده
اللي تعدي عليه السنين وتفوت وهو زي ماهو مبيتغيرش
لكن ناااس كثيره عرفين ماساه الجهاز بتاعي فهيفهموا
:D
عشان كدا انا جبت جدول منقول
وكل اللي مطلوب منكم تفعصوا علي اللينك اللي تحت واتنم تشفوا ثلاث نماذج خذوا اللي يناسبكم
:D
http://www.ebnmasr.net/forum/t69361.html
اخر حاجه بقي
ياريت نكتب علي الجدول بتاعنا من فوق كدا بخط كبير قووووووووووي
(ياترى هنجيب كااام في امتحان رمضان السنه ده ؟؟؟؟)
اتمني اني مكنش طولت عليكم
واتمني انكم تدعولي قوووووي
بجد محتاجه دعائكم
3 جرب تطيــر:
:D
انا اول مشاركه
:D
علي فكره للناس اللي زي حالاتي
في مسلسل كرتون نسور الفضااء بيجي كل يوم الساعه 8 بتوقيت مكه
و7 بتوقيت القاهره
علي قناه دريم 2
الصبح
:D
علي فكره توقيت السعوديه زياده علي القاهره بساعه
وعلي المقمين في المنصوره والصعيد مرعاه فروق التوقيت
;D
بجد ربنا يكرمك نسرين
وكل سنة وانت الي الله اقرب
=======================
نسيت تعلني عن سوبر هيندي
وده بيجي علي قناة ابو ظبي
بعد الفطار
ربنا يخليكي ياآآرب
بجد
ده إنتي تنفعي إعلامية متميزة
;)
لاتبخلوا بهذا الشهر
شهر القرآن
شهر خير من الف شهر
وأنا بدوري
أتقدم
إليكي أنت خاصة نسرين
بكل ماتحمله عبارات التهنئه
بكل عبارات الصدق
بكل عبارات المحبه
أتقدم اليكم جميعاً أنت وزوار مدونتك
بالتهنئه بهذا الشهر الكريم
معك دوماً
Post a Comment