يومياااااات خميس
خميس السنه ده قرر ان رمضان هيبقي حاجه تانيه خالص
ليله الرؤيه خميس بدا يكتب هايعمل ايه في رمضان
قراءه قران 15 مره .... (ياخميس استنى بس ... انت عارف القران كام جزء )خميس قال ان شاء الله هاقدر
هصلي العشاء والتراويح وهارجع اكمل صلاه في البيت لحد الفجر
(اعقل ياخميس ...الكلام ده مش معقول )
معلش اصل ذنوبي كتير
(يابني ربنا هيغفرلك اذا صدقت التوبه لكن )
ملكنش دنا كمان عشان احسن الصيام مش هفطر ولا اتسحر غير بتلت بلحات!!!
خميس كمل برنامج رمضان وطبعا الذكر والدعاء والصدقه والذي منه
*****
خميس بدا اول يوم في رمضان وصلى التراويح في الجامع ورجع يصلي قيام .... بعد نص ساعه رجله وجعته
فصلى وهو قاعد ... وبعد ربع ساعه نعس ونام
(خميس اصحى عشان تتسحر )
مفيش فايده خميس مش عاوز يصحى
خميس صحى بعد طلوع الشمس وقال
معلش اول يوم بس كده وكل حاجه هتتظبط من بكره
:D
خميس راح الجامعه وقعد في المحاضره يقرا في المصحف ومش مركز مع الدكتور
(اراهن ان المحاضره كانت انالتيكل ..ربنا يكون في عونك )
:D
ياخميس افهم العباده صح .. العباده معناها اشمل من اللي انت فاهمه
ساعه الفطار
خميس عمل فيها بطل وكل تلت بلحات
لكن بعد نزوله لصلاه العشاء فوجئت به امه راجع بعد شويه
(ما صليتش التراويح ليه ؟؟)
اصل انا جعان مش قادر هاكل واصحى بعد ساعه
مرت 6 ساعات وخميس برده نايم ... خميس صحى واتسحر ونام تاااني
(وصلاه الفجر ياخميس )
مش قادر فعلا.... من بكره ان شاء الله
خمسه رمضان .... خميس ساب صلاه الجماعه معدا العشاء والتراويح
تمانيه رمضان .... خميس بقي بيصلي العشاء في المسجد والتراويح في البيت
اتناشر رمضان .... خميس ساب صلاه التراويح ووصل انه بيقرا 3 صفحات قران في اليوم
عشرين رمضان .... خميس قرر يعتكف الايام الباقيه عشان فيها ليله القدر
اتنين وعشرين رمضان.... خميس خرج من الاعتكاف ... وقرر انه يكمل قراءه صفحه قران في اليوم
تسعه وعشرين رمضان .... خميس قعد ينتظر الرؤيه ويدعي ... يارب بكره العيد ... مش هستحمل اصوم يوم تاني
انا حضرت نفسي للرحله مع الشله ... ياااااه الواحد كان حارم نفسه من حجاااات كتييير
:D
منقول
8 جرب تطيــر:
فعلا الأصل النية الجادة والصادقة
والواحد يحط برنامج صح وما يضيع أي لحظة في رمضان من دونما يكسب أجرها
وللأسف الناس اللي زي خميس كثيرة جدا
ربنا ما يجعلنا منهم
ويعيننا ويتقبل منا جميعا
ربنا يكرررمك
يلاآآ بقى ، مستنيين الجزء التاآآني بأسرررع وقت
:)
سلاآآموو
فعلا
ده حال كتير مننا في رمضان وفي ايام كتير كمان برة رمضان لما بتتلعق بطاعة او حاجه
ربنا يكرمك ويعزك للاسلوب الرقيق ده
تحياتي
بسم الله الرحمن الرحيم
ما شاء الله موضوع مميز وجميل ويتضمن معاني كتيره جدا اهمها البعد عن الغلو في العباده ولا ننسى قول النبي صلى الله عليه وسلم " أحب الاعمال الى الله أدومها وإن قَلّ" صدق رسول الله صلى الله عليه وسلم
شرفينا بزيارتك
www.eng-mostafa.blogspot.com
السيد خميس نموزج حى للكثيرين منا
نبداء العمل بهمة ونشاط وبعدها نباء فى الخمول والتكاسل.
فاكثر الاوقات التى يجب ان تمتلى فيها المساجد هى العشرة الاواخر واقل وقت فى رمضان تكون المساجد بداءت تخلو هى تلك العشرة.
صلاة الفجر فى رمضان ما شاء الله الجامع مليان وخلال الشهر العدد يتناقص لدرجه اول يوم العيد متلاقيش حد .
لا انسى عبارة ابى حينما نذهب لصلاة الفجر فى اول يوم رمضان ونشاهد الصفوف كاملة العدد وهو يقول.
هولاء زبائن رمضان اقل من30 يوم ومش حتلقى العدد ده الاما رحم ربى
فقليل دائم خيرا من كثير من قطع
الى لقاء
ربنا يتقبل
ربنا يكرمك ياجماعه واياكم
معلش انا مش عارفه ارد لاني بسافر كثير اليومين دووول
فمش بلحق
:(
بس ببقي مبسوطه بتعليقاتكم والله
علي فكره انا النهارده مسافره رايحه اعمل عمره باذن الله
يلا اللي نفسه ادعيله بحاجه يشاور بس
طبعا الفنان مصطفي محمود شرفني بزياره جميله وغير متوقعه
فربنا يكرمك يافندم
ويتقبل منكم ومنا
وكل سنه وانتم الي الله اقرب
:D
سيت اقولكم ربنا يكرمك بلاش الغيره بقي والنق خلوني اوصل سليمه
:D
وعقبال كل اللي نفسه يطلع عمره او حج ياااارب
:D
ورمضااااااااااااااااان كريم
Post a Comment