من زحمه الحياه مبنلحقش نبص علي حجات كتيره في حياتنا او ناخذ بالنا منها
والحجاااات ده كتير قوووي ... في الواقع بقي انا هتكلم عن حاجه من الحجات ده
اللي الفرصه جت لغايه عندي اني اخذ بالي منها
((وهيا جيراني في موقف الف مسكن))
:))))
من الاول كدا بقي
عشان نعرف مين هما جيراني في موقف الف مسكن
انا كل يوم المفروض بركب باص الجامعه من جسر السويس وبالتحديد من الف مسكن
ولاسباب فنيه بحته بطر اوصل كل يوم بدري نص ساعه ساعه الا ربع واوقات كتير بوصل بدري ساعه بجالها
طيب في الساعه ده فكركم هعمل ايه ؟؟؟
وهنا بقي تتجلي اهم ملامح الفراااااغ
ابتديت اراقب الناس الواقفه خصوصا الناس اللي كل يوم بيقفوا معايا في نفس المعاد والمكان
وكان بيعجبني ان غالبيتهم كانوا حاسين انهم اسره واحده رغم انهم مش بيعرفوا بعض
كل يوم اشوفهم بيصبحوا علي بعض
:)))
وابتديت اميز كل مجموعه عن التانيه
ااه دول بتوع شركه النيل للادويه ودول بتوع المصريه للاتصالات ودول بتوع ميناء القاهره الدولي
و....و ...و ... الخ الخ بقي
وكنوع من انواع تعبئه الفراغ عندي ابتديت اشوف
مين بيفطرمع مين وبيفطروا ايه ومين بيتخانق مع ال .... في التليفون وليه
ابتديت اراقب حتي شكل الباصات بتاعتهم اصلها هتعكس ليا حجات كتيره
من اهمها الناس ده مستواهم ايه ومرتاحين في شغلهم ولا لا
الشركه بتاعتهم نظيفه ولا سكه ومنكن كمان شكل الباص يعبر عن مرتبات الناس ده هههههه
وابتديت اخذ بالي من مين جه ومين غاب النهارده
واقعد اتخيل اللي غاب غاب ليه ياتري
ومن اظرف الحجات اللي تخيلتها كان راجل في الخمسينات شكله مميز قوووي
لانه بيفكرني بحسن فايق فكنت كل مابقي مضايقه ادور عليه عشان اضحك
وفي يوم مجاش
:((
فحسيت انه غايب عشان مراته كانت بتولد مثلاوهو سهران يسخن ميه للدايه
:D :D
ووحده تانيه عرفتها في اول السنه كانت بتسال علي ميكروباص
ومن يومها كل يوم تعدي من جنبي نقول السلام لبعض ونبتسم وكل واحده تفضل في حالها
جت عليها فتره لقيتها كل يوم بتتشيك اكثر من اليوم اللي قبله
قلت في سري والنعمه الشياكه ده وراها كتاب كيف تصطادين عريس؟؟
وقعدت اتخيل بقي وحوارات
وفعلا بعد فتره لقيت في ايدها دبله
قلت يابنت الذين لحقتي من كام يوم
وده اللي خلاني كل يوم افكر اني اطلب منها انها تعرني الكتاب المعجزه
ههههههههههههههههههههه
ومع ذالك كنت بخاف الناس دول ياخذوا بالهم مني وشكلي يبقي فضولي وحش
بس اللي معملتش حسابه لقيته ولما غبت كذا يوم
لقيت الظريف اللي بيقولي سلامتك ياانسه بقالك فتره مبتجيش ليه
:D :D
وبذالك ادركت متاخر اننا كلنا بنراقب بعض وكلنا بنتمتع برفاهيه ساعه من الفراغ االتاملي للحياه
وكانت هيا ده الفرصه اللي جتلي عشان اعرف جيراني في موقف الف مسكن
نسرين
4/4/2010
4:00 AM
نسرين
4/4/2010
4:00 AM
3 جرب تطيــر:
:)))
رووووووووعه
...~
ربنا يحفظك يانسرين..~
بجد روووعه ، أسلوبك ، والمواقف ، وكل حاجة...~
حلو اوي بس اية حكاية الداية دي؟
علي العموم كلماتك دمها خفيف ما شاء الله
ما شاء الله
حلوه اوي يانوسه
بس لما تعرفي هي جابت الكتاب ده منين ابقي قوليلي :D:D:D
Post a Comment