انا
وقت بخاف منه وببقي مش عايزاه
ووقت تاني ببقي هموت والقاه
لخبطني احساسي ... وبقيت مش عارفه هو انا عايزاه ولا مش عايزاه
يوم ميلادي ببقي بشتاق لـ لحظه اقضيها معاه
واحسها منه وهو بيقولي كل عام وانت شطي ومرساه
يوم نجاحي بتخيله في اول الصف فرحان وعنيا شيفاه
اما يوم فرحي ... بجد بجد مش قادره اوصفلكم ان ده اكثر يوم بتخيل نفسي وياه
واعيش بقي في الاحلام .... بضحك واهزر واتخانق وازعق كمان معاه
بس بعد كل يوم يكون فيه بُعد بينا
لازم اصالحه وافضل ارغي وارغي وارغي واصدعه من كتر الكلام وياه
لازم اصالحه وافضل ارغي وارغي وارغي واصدعه من كتر الكلام وياه
ومنمش الا وانا مصلحاه
امممم لحظه ده كمان بحبه يحكيلي حدوته قبل النوم مكافئه بقي لما ابقي مرضياه
ولا بقي لما تحصل الكارثه ويجي يوم ويزعلني .. ييييييه بتخيل نفسي وانا بشتكي له واسيب نفسي وانا ببكي وياه
اممممم عادي يعني ايه ؟؟ وماله لما كل ده يحصل ... يحصل بس بشرط
قلبي يفضل حاسس بدفاه ... ايدي تفضل مسكاه ... وعنيا تفضل محوطاه
يخاف علي قلبي ولا عمره في غيابي ينساه
يشتاق دايما لحبي ولا ابدا يسلاه
يراعي ربنا فيا وياخذ بيدي لله
يفضل يحبني ويوعدني انه في الجنه هكون وياه
نجيب جودي وملك ويوسف وعمر
ويساعدني نخليهم جنود لله
هيا ده احلامي البسيطه عشان يكون زوج ارضاه
يارب اميييييين
كل ده وقت ما اشوف الحياه جنه وابقي مشتاقه لهواه
وقت تاني بخاف اني القاه
يخيب ظني فيه ... ويطلع غير كل ماكنت بتمناه
يقسي عليا وينسي قلبي ... وادوق المر وياه
وافضل اقول ... طب واخرتها معاه
لا لا لا بلاش ...كفايه عليا اللي شفته قبل منه هبقى كمان تعبانه بهواه
لا لا لا ده انا اصلا اصلا يعني خلاص تعبت وبصراحه مهياش نقصاه
الحب والخوف لخبطو احساسي ... مبقتش عارفه انا عايزاه ولا مش عايزاه
عموما اديني قاعده بستناه
وسياته لما يشرف وقتها انا عارفه هشوف العجب وياه ... بس برضو مليش ضامن غير الله
يوووه بقي
:D
انا
واحده مجنونه بهواه
18/8/2010
8:50 am
اللهم هب لنا من ازواجنا واولادنا
قره اعين
اميييين يارب
:))
12 جرب تطيــر:
معلش ياجماعه الكومنت في البوست ده للبنات بس
:D
سيطره سيطره يعني
ياااه .. فظيييييييييييييييييييييييييييييييييييييييييييييييييييييييييييييييييييييعة ما شاء الله .. ربنا يرزقك يا رب انسان احسن من الي تتمنيييه بكتييييييييير.. ياااه يا بخته اوي بجد .. وزي مكنت بتقولي ديما ... الاجمل لم يات بعد :)))
بس اوعي تنفضيني بعديها :((((
انا منة يا نسرين الي كتبه الكلام ده
(المغربي)
معلش انتي عرفاني ابيض شوية نسيت ابين الاسم :(
ههههههههههههههههههههه والله اني هبلة اهو جية اكتب الاسم لما طلع :)))
هو الصراحة رغم تحذيريك ان الكومنت في البوست ده للبنات بس
لكن ماكنش ينفع انى اقوليك انى ميش لافى حاجة اكتبها
هو انا قريتة تقريبا 7 مرات وكل مرة احس انى اول مرة اقراءة !!!!!!!!!!!!!!!!!!!!!!!!!!!!!!!!!!!!!!!!?
على فكرة بوصى بقاة .أى حد هايجى يكتب كومنت على الموضوع دة ميش ها يعرف يكتب حاااااااجة خالص بجد كلاميك دة مافيش كلام ينفع تتكتب بعدية ولا حتى ينفع يتعلق عليةانا عمال اقراة
!!!..................و
بارك الله لكى وعليكى ووفقيك الى الخيــــر
منه
يابنتي خلاص انت اتعلمتي اي حد يكتب من غير اسم ببقي واثه نه انت
هو اسمك مش عاجبك ولا ايه
وبعدين لو حابه تتخفي بعد كدا اكتبي بس المغربي وانا افهم
هههههههههههههههههههههههه
انا اللي ضيعت الفرصه من اديا
;D ;D
كريم
ده بقت بدل المخالفه اثنين
عموما يافندم ربنا يكرمك
امممممممممم... والله يا نسرين شكلها كدة هاتبقى اكتر من مخالفة عشان كل ما أقرأ البوست اكتشف حاجات جديدة وكتيرة
هو كمان فى اسئلة كتير بس اكيد مش من حقى انى اسئلها
كريم
كدا فيه كارت اصفر
:)
البوست بنوتاتي بس
bgd a7sasek faze3 Gdannnnnnnnnnnnnnnnnnnnnnnnnnnnnnnnnnnnnnnnnnnnnnnnn
ma3a 2ano post pa2lo fatra bas lsa 3amal 2a2rah
ma7tagen tafserat kater .!.!
جميلة اووووووووووووووووووووى
Post a Comment