حقيقه علميه اثبتت اخيرا ان
الظالم شخص غير موجود
وافترض الباحثون احتماليه كونه كائن فضائي غريب عن سكان الارض
وذالك لانه ببساطه كدا كل متقابل حد يقولك انه مظلوم
ولو حصل وقابلت الشخص اللي ظلمه هيحكيلك الحكايه بشكل مختلف
وهيطلع في الاخر هو كمان مظلوم
لكن عمري مسمعت حد بيقول انا ظالم
السؤال بقي
لما هو كل الناس مظليم كدا امال الظالم الشرير ابو قلب حجر ده يطلع مين؟؟؟
وعشان كدا فكرنا في احتماليه ان الظالم ده كائن فضائي مثلا
بيجي يظلم ويطير علي كوكبه المجهول تاني
ومن هنا نوجه نحن سكان كوكب الارض المسالم
رساله الي سكان كوكب الظلم الاسود المجهول
اللي هما الاشرار اللي بيظلمونا ليل ويا نهار دول
ومفادها
الي الغزاه من كوكب الظلم الاسود
نحن سكان كوكب الارض نعرب عن مدي استيائنا
من الاعتداء الظالم المتكرر والاذي الذي يلحقه
افرادكم بشعب كوكبنا المسكين
وعايزين كمان نقولكم انه خلاص احنا صحصحنا وقفشناكم
ونقدر كمان نرد هذا الظلم بظلم اسود منه
ولكن الظلم صفه حرمها خالقنا وخالقكم علي نفسه
وعشان احنا بنخاف ربنا فمش هنرد ظلم بظلم
ولكن
نريد ان نحيطكم علما بانه في حاله استمرار هذه الحملات الخاشمه علينا
فلن نصمت
وحينها يكون الدفاع عن انسانيتنا واجب مفروض
وفي النهايه نختتم رسالتنا بمقوله مشهوره علي كوكبنا الام وهي
ليك يوم ياظالم
من الكوكب الام
الارض
نسرين
3 جرب تطيــر:
gamil el post dah
موضوع رائع يا نسرين
أحلى ما فيه انه رغم كل الخيال اللي متصور بيه الا انه واقعي و منطقي جدا
يعني خلطه حلوه من الخيال و العلم
خالد علي
hdiكريم
شكرا يافندم
:)
*****
مستر خالد
شكرا علي تشجيعك ليا دايما
:)
Post a Comment