الالم جزء من تركيبه كل واحد فينا
بنعيش ايام كتيره بنحاول ننساه او نغطيه باحاسيس تانيه
بس هو هو لسه موجود زي ماهو
وكل شويه ايام تحصل حاجه
تطلعه تاني وتخليه فوق اي احساس
وتفاجئ انه مش بس فضل عايش جواك
لا ده كبر كمان وبقي شئ جبار
ومع ان احزانا وهمومنا بتبان صغيره لغيرنا الا انها جوانا بتبقي اكبر مننا
لدرجه اوقات مبنبقاش عارفين نحتويها
ونلقيها هيا اللي بتحتوينا جواها
تفضل تلف حولينا لغايه متخنقنا وتقتل جوانا حجات حلوه
بنموت من وجعها ميت مره
يارتنا نموت بجد ولا انها تعيش بالشكل ده فينا
الا هيا بتعيش فينا ولا بتعيش علينا
تاكل في ايامنا احلي مافيها
وتسيب علي وشوشنا علامه جرح منها
الالم مش مجرد احساس
الام ايام طويله تحس فيها بالظلم والقهر والعجز
الالم مش مجرد شعور ولا دموع
الالم خوف ... الالم انك تحضن نفسك وتبص للسما
وكلك بيقول
ربي اني مسني الظلم وانت ارحم الراحمين
ربي اني مسني القهر وانت ارحم الراحمين
ربي اني مسني الضر وانت ارحم الراحمين
نسرين
11 جرب تطيــر:
جميل يانسرين
ربنا يبارك فيكي
في الحقيقه التدوينه دي جت على الجرح
الحمدلله على كل حال
وانا بعتذر عن تقصيري في حق مدونتك الرائعه
فعلا زي ما ماجد قال
جيتي على الجرح
كلامك معبر اوي يا نسرين
ربنا يخفف عننا الألم ده لو اتحطينا فيه
تسلم ايدك :)
الالم هو الي بقى لحد ماتموت ولايروح مهما عملتي ليه
واكبر الم لما يكون من اعز الناس
جرح عمره مايلتئم
كلمات معبرة ومعاني كثيرة تدول داخلتها
تقبلي مروري
واعذريني على تاخيري
سلامي لاجمل نسرين
يا ترى ايه حصل عشان توصفي الالم ببوست عميق قوووي كده يا نسرين..؟!!
"لدرجه اوقات مبنبقاش عارفين نحتويها..
ونلاقيها هي اللي بتحتوينا جواها "
تعبيرات البوست غاية في (الروعة) رغم (الالم)..
ومع ان احزانا وهمومنا بتبان صغيره لغيرنا الا انها جوانا بتبقي اكبر مننا
فعلا كلام صحيح وملياااااان
للامام نسرين
تحياتي
ماجد العياطي
اتمني ان التدوينه متكنش سابت اثر سلبي
وربنا يفرج هم كل مهموم يارب
:)
مجرد حلم صغنتوت
ايه ياجماعه
هو الكل تعبان ولا ايه ؟؟
ربنا يخفف عنك وعنا الالم يارب
:))
تحياتي
خواطري مع الحياه
الالم كل واحد بيوصفه علي حسب الموقف اللي مر بيه
ودايما بنتخيل اننا اكثر الناس شقاء علي وجه الارض
مع اننا لو بصينا حولينا هنحمد ربنا
وهنعرف اننا اقل الناس تعاسه
عامتا الحياه شويه كدا وشويه كدا
واحنا مابين ده وده
تحياتي ياجميله
ومنتظره مرورك دايما
:))
تيمو
اللي حصل معايا هو هو نفسه اللي بيحصل معاك واللي حصل مع ماجد ومع مجرد حلم ومخواطر
هو هو اللي بيحصل مع كل الناس
ربنا يبعد عنا كلنا الالم
:)
عوض
نورت المدونه
وانتظر دايما مرورك
تحياتي لك
نأأأيسًٍْ كثيـرـرًٍْ
احساسكٍْ عاليٍْ
Post a Comment