انطلاقا من المقوله الخالده
بوس الواوا خلي الواوا بح
وخليت طوب الارض يبوس
من غير ميحصل اي بح
بقالي ثلاث ايام صباعي فيه واوا
وعملتله اللالي
اقوله حبيبي
ميلمش
اقوله ياسيدي
ميلمش
اعمله ايه ؟؟؟
كل اللي اقدر اصرح بيه حاليا
انه ستستمرحملة البوس الهادف
لغايه ميلم
:D
*****
كنت بتفرج علي فيلم النداهه
وبما ان الفيلم له ابعاد فنيه عميقه
فكان لازم اركز في كل لقطه
ماجده وزر النور
ومن ساعتها وانا بفعص علي اي زر اشوفه
وكانت النتيجه
نور اودتي اتحرق المكيف عمل قافله في الشقه
ست زراير من الاب توب اتخلعوا
قنوات كتير ضاعت من الدش
بس وايه يعني مفيش اجمل من اكتشاف
:D
*****
كنت في امتحان عملي 
والمفروض مني اني اتعرف علي ثلاث عينات تحت الميكروسكوب
المعمل مدته ساعتين تقريبا
لمده ساعتين الا ربع وانا بصوت واشد في شعر اللي جنبي
الثلاث عينات نسخه واحده
والمصيبه ان الحجات اللي بشوفها بنفس الشكل
ونفس الاماكن ونفس الالوان
كل ده عادي تحايل قوي خفيه
علي خباثه دكاتره عايزين يلخبطوا الطلبه بس علي مين
ههههههههه
الفظيع بقي اني اشيل العينه من تحت الميكروسكوب
طبعا كانت اعصابي في طريق اللي يروح ميرجعش
ومن عصبيتي خلعت نظارتي وخذفتها في شنطتي
منا بعت الامتحان بقي
بس قلت يابت اعملي اللي عليك وبصي كمان مره
وسبحان الله الدنيا اختلفت تماما
هههههههههههههه
اتاري بقي الاشكال والالوان اللي كنت بشوفها
كانت علي ازاز نظارتي
ومن يومها اكتشفت اهم فوائد النظافه
انك متشيلش ماده الميكرو
هههههههههههههه
:D
*****
المجانين في نعيم
من ثلاث ايام تقريبا
نويت انا وبنت خالتي ناديه وصحبتي عزه
نعمل الزياره السنويه لمعرض الكتاب
وطبعا الاعمال بالنيات
فبعد يوم طويل عجيب في العباسيه اللي دايما واقفه
وكل متسال ليه
مره يقولك اصل طلبه الجامعه بيمتحنوا
ومره يقولك اصلهم بيعملوا مترو
ومره تانيه يقولك اصلهم بينقلوا الموقف
وتعددت الاسباب وقفله العباسيه واحده
المهم بعد العطله والتاخير
اليوم انتهي بزياره متواضعه لدار الشروق
بدل معرض الكتاب
ومع ذالك كانت كل واحده حريصه انها ترجع البيت بكتاب
ووقع اختيارنا احنا الثلاثه علي كتاب واحد
اسمه يوميات اثنين مخطوبين
طبعا ده كان انعكاس صريح وواضح للنفسويات
;D
بس للاسف كانت النسخه الاخيره في المكتبه
واضح ان مش احنا بس اللي نفسوياتنا تعبانه
:S
طب نعمل ايه
المهم اتفقنا ان واحده هتاخذه وتدفع ثمنه
تقراءه وتسلفه للباقي
وعملنا قرعه كانت النتيجه اني دفعت ثمنه
وابتديت اقرا في الكتاب كل يوم بعد الفجرلمده ساعه
الكتاب كان جميل جدا فكنت بقراءه بطريقه مختلفه
وكاني بتكلم مع الشخصيات اللي فيه
واعلق وارد واضرب ناديه لو كانت جنبي
وسعات احم .... اتنرفز عادي يعني
وسعات اعيط او اضحك بصوت عالي
وكنت كل ماخلص جزءاقوم والف وانا باصه لسقف الاوده
وافتح اديا زي العيال الصغيره لغايه مدوخ
وده اللي خلي ناديه تقولي
المجانين في نعيم
:)))
2 جرب تطيــر:
mmmwaaaaaaaaaaaaaah :D :D
hehehehehehee
لالالالالا
مش هنا الناس تفهمنا صح
;D
Post a Comment