اليوم الاول في كل حاجه دايما بيبقي ليه ذكري خاصه
النهارده كان يومي الاول في التيرم التاني
17/2/2010
نزلت النهارده الجامعه
ومن قبلها بليله وانا عماله اشغل الاغاني الوطنيه اللي عندي كلها عشان تديني دفعه شجاعه
سمعت علي الحجار ونخاف من بكره ليه ومساله مبدا
وسمعت منير لو بطلنا نحلم نموت
سمعت قبل ماتحلم بص لفوق
سمعت الفرحه لمنير
خفظت عالي صوتك بالغني وبالذات المقطع اللي بيقول
ولو في يوم راح تنكسر لازم تقوم واقف كما النخل باصص للسما
ولا انهزام ولا انكسار ولا خوف ولا حلم نابت في الخلا
قرات سوره ياسين
حسيت اني داخله علي حرب مع اني تخيلت الموضوع سهل
المهم ليلتها زي ايام المدرسه تمام حضرت لبسي وكويته
حضرت كل حاجه هلبسها من اول شرايط الشعر لغايه الشراب
وحطتهم علي كرسي الصالون وكان العيد بكره
وقتها افتكرت اول يوم ليا في المدرسه
عكس غالبيه العيال كنت مزائططه قوووي
هيه هيه هيه هيه هروح المدرسه وهكبر
ويومها معرفتشت انام وفضلت اصحي ماما من النجمه يلا ياماما
المدرسه هيقفلوا
هههههههههه
وروحت المدرسه وكنت بطبق مبدا عبله كامل شندوتشاتك في شنطتك
ومطوتك في جيبك
:D :D
اول دسك عجبني شيلت شنطه البنت اللي عليه ورميتها علي الارض وحطيت شنطتي
وقعدت بكل براءه الاطفال
ويومها ربنا وقعني في شر اعمالي
كانت بنت من اللي بيتبعوا نفس مبدا عبله كامل
مع تصحيح بسيط ... شندوتشاتك في كل شنط زمايلك ومطوتك في جيبك
:S :S
وكانت نتيجه اليوم الاول ان ماما اطرت تنزل تشتري ليا مريله جديده
بدل اللي اتشرحت
وغبت بعدها يومين عن المدرسه
:))))
افتكرت كل ده وانا بحضر لاول يوم ليا في التيرم التاني
افتكر وانا في اعدادي ماما كانت عايزه تنقلني مدرسه متفوقين
فاخذنا عنوان واحده صحبه ماما علي اساس اني مقيمه هناك عشان يرضوا ينقلوني
وانا طبعا بريئه ومش اعرف اني المفروض عايشه مع طنط
وقولت للمديره عنوان بيتنا الحقيقي ولما سالتني عن عنوان طنط
قلت لها ان ماما قالت لطنط اننا محتاجين عقد الايجار عشان نوريه للمديره عشان ينقلوها
ههههههههههههههههههه
وكانت النتيجه علقه سخنه وفضلت في مدرسه المتشردين
:D :D
وافتكرت اول يوم ليا في الثانويه
المره ده كانت معايا نهي لاننا جاين من مدرسه اعدادي واحده
يومها كان في حفله تعارف ويومها شفنا ايه وولاء وفضلنا انا وهي نقول ايه العيال اللي
واخدين في نفسهم مقلب دول
:D :D
طبعا من اول يوم ليا في ثانوي وانا مخالفه لشكل المريله
هههههههههههههههههههههه
كنت عايشه قووووي في موضوع الزي ده
وكل يوم اطرد في الاذاعه
لغايه مستولينا انا والشله المصونه علي الاذاعه
وده كان لثلاثه اهداف ساميه
اولهم .... ان محدش يكلمنا لو وصلنا بعد الطابور الصباحي
ثانيهم .... وده المهم اننا نضيع نص الحصه الاولي
وثالثهم .... بقي ان موضوع التذنيب اللي عالصبح بسبب ومن غير سبب اتلغي عشان
مفيش وقت ... ومشينا المدرسه علي العجين ميلخبطوهوش
;D ;D
كل ده افتكرته في اليله اللي فاتت عشان اقول لنفسي
يابت انتي فيه ايه ؟؟؟ ده انتي خضتي معارك اشد ضراوه
:))))
حاولت انام كتييييييييييير معرفتش
قمت قعدت في الصاله وولعت انوار الشقه كلها كالعاده لما ابقي زهقانه وشغلت
التليفزيون وعليته علي الاخر
وفضلت اقلب في القنوات كلها
اتفرجت علي فيلم هندي قمه في الملل
واتفرجت علي سلاحف الننينجا اللي كنت بشوفه للمره الاولي بعد الالف
وكل مره اشوفه من نفس اللقطه اللي بياكلوا فيها البيتزا
اتفرجت علي حلقتين كونان
وتيمون وبمبه وجورجي
وبرضوا مش عارفه انام ... قمت عملت كوبايه شاي
ورجعت اقلب في التليفزيون لغايه مالقيت فيلم بعشقه
first knight
قعدت اتفرجت عليه ... خلص علي الساعه سته الا عشره الصبح
قمت غسلت وشي ولبست ونزلت وانا عماله اردد
رضيت بالله ربا وبالاسلام دينا وبسيدنا محمد رسولا
يارب ارضى عني ورضيني .. يارب خليك جنبي النهارده
وصلت مكان الباص قبل معادي بنص ساعه ... كنت مبسوطه وانا ببص علي الناس
واغنيه سته ونص الصبح والناس الرايقه بترن في ودني
ركبت الباص واول ماطلعت الدائري حسيته بيسلم عليا
وافتكرت اعلان تيوتا تقريبا ... الاسفلت مولع ليه
طبعا عشان نسرين ماشيه عليه
ههههههههههههههههه
ابتدت الشمس تطلع من ورانا ... حسيت بيها بتسابق الباص وعايزه تفضل جنبي
علي شباكي ونورها يملى وشي
قعدت اتكلم معاها وكالعاده قلت لها صباااحك نور
وطلب منها متسبنيش النهارده بالذات لاني محتاجاها جنبي
وقتها حسيت ان النيل اللي كنت بعدي عليه كل يوم وحشني قووووي
وقبل مانوصل له بدقيقه كنت بحط سماعات الموبايل في ودني وبشغل نجوم اف ام
وعملت الحركه اللي بحبها قووووي
قلت ان اول اغنيه هتشتغل هتبقي اهداء من النيل ليا
وكانت اول اغنيه بتاعت حماقي ... ياللي غايب عن عنيا وسايبني وانا قلبي معاك
:)))
وصلنا وقتها للمكان اللي بحبه عند النيل
الجو كان صاقي والشمس فوق النيل والميه بتلمع في منظر بعشقه وبيخليني اتفائل
غمزت له بعنيا وقلتله انا اهو
;D
حسيت بيه بيلمع اكثر كانه بيرد ليا التحيه باحلي منها
شويه ولقيته بيتنحنح فهمت هو عايز ايه
كان محرج يسالني مالك متغيره ... ,ومغيره مكانك .. في عنيك حاجه مكسوره
وقلبك خايف
ليه ياااانسرين؟؟؟
وعشان عم النيل ميكملش وندخل في اسئله يمكن مش هلاقي اجابه ليها
قلت له صدقني انا كويسه بس خليك جنبي متسبنيش عشان محتاجه حبك النهارده
****
وصلت الكليه ... منكرش اني ارتجفت اول مدخلت
وزي عاده البنات اول حاجه بنعملها نعدي علي اي مكان فيه مرايه
عشان نظبط ربطه الحجاب
:)
خلصت وعديت علي الكافتريا جبت عصير موز باللبن
مشيت لغايه المبني الجديد واتبسطت قوووي اني لقيته لاول مره
من ساعه مدخلت الكليه ده منور
جبت الجدول .. وطلعت سجلت بس طبعا بعد مدوخت الناس معايا
بسبب المواد العجيبه اللي بخذها
كان يوم عجيب قوووي
حسيت فيه ميت احساس
قوه .. وضعف .. خوف وامان.. حب وكره
حجات كانت ملخبطه جوايا
سلمت علي ناس كانو وحشني قوووي
وناس كتير بسطوني لما جم سلموا عليا
وناس تانيه عدوا من جنبي ولا كانهم في يوم عرفوني
:)))))
وده كان اول يوم ليا في التيرم التاني
ومن مدونتي اللي علي قد حالها احب اوجه الشكر
للسيد محافظ مدينه سته اكتوبر
والسيد وزير النقل والمواصلات
والسيد المحترم وزير التعليم العالي
(عشان لو حد منهم بيدخل هنا ولا حاجه يبقي عداني العيب)
نيجي لعامه الشعب بقي
بجد بجد بشكر
كل حد مسبنيش في اليوم ده احس اني لوحدي
وكل حد مسبنيش استسلم لمشاعر الخوف اللي كانت ملياني
كل حد صدعته برغي ملوش اي لزمه غير اني اخرج طاقه الرعب اللي كانت ملياني
كل حد سال عليا وسلم عليا واداني دفعه قوه
ابتدي بيها تيرم جديد في حياتي وكانه صفحه جديده في دفتر جديد
هبتدي اشخبط فيه احلام مجنونه جديده
شكرا لربنا اللي اداني كل ده
ويارب تفضل تكرمني وتقف جنبي عشان ابقي كويسه
:)
نسرين
:)
8 جرب تطيــر:
سلام عليكم يانسرين
انا بصراحة مش عارف اقول ايه
بس انا لما قريت الموضوع حسيت اني عايز ابتسم وخلاص
جميل قوي انك مستبشره وبتتفاعلي مع اي حاجه حواليكي
شعورك برئ زي براءة الاطفال
واحييك على البوست المنور ده
وفقك الله
:D
ربنا يخلي أياآآمك كلها سعادة ياآآرب..
:)
وعليكم السلام
:)
ماجد وانس
نورتم المدونه
****
رحاب
منوره ياجميله ويارب دايما بتبتسمي للحياه
مدونتك لذيذه جدا بس اعذريني علي تقصيري معاكي وياريت مش تتاخري تاني عليا
*****
ابتديت اشك انك مثقفة بجد
حلوة الثقة بالنفس على فكرة جربيها وكبريها اوي جواكي
لما ببقى زيك كده مرعوبة من مواجهة حاجة بروح اقف قدامها وبعدين اديها ضهري وامشي
:)
بصرف النظر عن اللخبطة الداخلية في الاحاسيس الاستوائية المنبثقة من اللا وعي احب اقولك كلامك حلو اوي اوي
:)
وتعالي بقى بدل ما اجي اجيبك من شع... اظن انتي فاهمة
:P
ميمو
بما انك بلطجتي عليا يبقي الحمد لله مش زعلانه مني
:D :D
وبعدين موضوع الثقافه ده الواحد مبيحبش يتكلم عن نفسه كتير عشان نفسويات الزمله بس
:))))
وبالنسبه اني اجي انت عارفه الشئ الوحيد اللي بيغريني عشان اجي طبق الرز بلبن بتاع طنط
:))))
مستنيه
ya bet khalas ana 3atela 3an el 3amal we7temal a3melek el roz be laban be eydaya doooool bas ta3aly enty :P
مي
احم
احنا منكن نقضيها شبسي وفشار
خايفه علي تعبك طبعا
واوعي تفهميني صح
:)))))
Post a Comment