"...حدث بالفعل "
(اي تشابه بين شخصيات البوست والواقع فهو تشابه غير مقصود)
تدور احداث هذا البوست في نهار يوم من اليومين اللي فاتو
نسررررررر
مجرد ماسمعت اسمي بالطريقه ده والصوت ده
رن جوايا انذار خطر من المستوى الثالث
كانت واحده من البنات اللي اتحطوا في البلاك لست
جت من ورا ظهري وهي عماله تنادي اسمي بالطريقه المستفزه ده
سيطرت علي نفسي بالعافيه ورسمت ابتسامه
(صفرا الي حد ما )
والتفت نحيتها
ازيك يانسر _
الحمد لله تمام ... سكت ومسالتها هي عامله ايه عشان انهي الحوار معاها بسرعه _
لكن انت تريد وانا اريد والله يفعل مايريد
عملتي ايه في التيرم اللي فات؟؟ _
الحمد لله علي كل حال _
ايون يعني عملتي ايه؟؟_
يامصبر ال ... علي ال ... مقلنا الحمد لله علي كل حال _
:@ :@
بس ايه يانسر ده مش عاوايدك شيفاكي داسيه كومنتات عالفيس _
فضلت راسمه الابتسامه علي وشي وساكته
وكمان مبتبطليش ابتسام شكل الحياه حلوه قوي عندك _
هي وصلت لغايه هنا وصوت الانذار ابتدي يعلي اكثر واكثر
بينبهني اني لازم اخلص منها بسرعه عشان ميجليش جلطه
يابنتي الابتسام ده وصفه الدكتور ليا زي الفتامين كدا_
ياااسلااام ياختي وده بتاخذيه كل قد ايه؟؟ _
حسيت ان الفرصه جت لغايه عندي اني اوصلها اللي جوايا
ده موصفلي ثلاث مرات ... مره علي الريق قبل ماشفكم... ومره بعد ماشوفكم ...
ومره في النص عشان الامر مايسلمش
البنت تنحت
وانا قلتلها تيك كير بقي
و سبتها ومشيت
علي امل انها تفهم قصدي صح ويااريت تفهمه صح قوووي
ومن البوست ده هنستفاد علي مرحلتين
المرحله الاولى وهي عامه لكل الناس
اولا ... قول الرسول عليه افضل الصلاه والسلام تبسمك في وجه اخيك صدقه
ثانيا .... نعرف ان مش كل من بص ليك وابتسم يبقي معجب فيك
يمكن يكون شبشبه مسروق وشاكك فيك
:D :D :D
المرحله الثانيه .... وده خاصه بيا وبالناس المطرين اسفين انهم يتعاملوا معايا في هذه الحقبه من الزمان
اولا ... اني بدئت امارس فنون الشر الاسود علي اصوله
فعلي من يود الاقتراب او التصوير الاحتراس
ثانيا ... ان الاخت اللي فوق لازم تعرف ان ابتسامي في وشها مش حبا فيها ولا رضي عن اللي عملته فيا
انما حبا في نفسي ورضا والحمد لله عن نفسي
من الاخر بشتري نفسي يعني
ثالثا بقي .... اظاهر اني يادوبك احجز معاد مع دكتور احمد عكاشه لاني واضح اني باعني من حاجه من اثنين
depression او Schizophrenia
حاسه نفسي سوده قووي في البوست ده
الله يجازي اللي كانو السبب بقي
بس في الاخر ... زي ماقلت فوق ان اي تشابه بين الشخصيات والواقع فهو تشابه غير مقصود
واللي علي راسه ريشه بقي
ثالثا بقي .... اظاهر اني يادوبك احجز معاد مع دكتور احمد عكاشه لاني واضح اني باعني من حاجه من اثنين
depression او Schizophrenia
حاسه نفسي سوده قووي في البوست ده
الله يجازي اللي كانو السبب بقي
بس في الاخر ... زي ماقلت فوق ان اي تشابه بين الشخصيات والواقع فهو تشابه غير مقصود
واللي علي راسه ريشه بقي
نسرين
27/2/2010
9:45 PM
10 جرب تطيــر:
مش مهم
المهم انك نفستي اللي نفسي فيه
انا حاسس الاحساسا ده اصل عندي في الشغل
في ناس بالشكل ده
وطالما انت قولتي كده
تبقي مش محتاجه الدكتور عكاشه في حاجه
ربنا يوفقك
اولاً سلام عليكم..
ثانياً عن جد البوست استثنائي وعاجبني فيه افتتاحيته.. عن جد حركة مجنونة
"...حدث بالفعل "
(اي تشابه بين شخصيات البوست والواقع فهو تشابه غير مقصود)
ههههههه عبقرية مقصودة
احييكي على هالبوست بقوة..
ثالثاً مدري ان كان يحق لي اسأل عن بوست لك شفته قبل شوي اثناء تصفحي كم مدونة موضوعة استفزازي وليس استثنائي ولما وصلت كان غائب عموماً كنت بقول حسبنا الله ونعم الوكيل ودعواتي لرب العالمين ان تكون الامور قد سارت الى ما تحبين..
تحية ومودة
ماجد
التنفيس مهم احيانا
بس علي فكره احنا برضو بيبقي فينا عيوب كتير بتخنق اللي حولينا
فمره عليك ومره عليهم
*****
قمر
نورتي المدونه
:)))
وبالنسبه لحدث بالفعل
اصلهم دايما بيقولوها في الافلام اللي بيبقو متعمدين ينقدوا فيها شخصيه بعينها
بس عشان محدش يمسك عليا حاجه
بامن نفسي
:))))
اما البوست اللي تقصديه
انا شيلته لسبب واحد
اني احسن من الناس ده
وانهم ميستحقوش يكون ليهم بوست او جمله او كلمه او مكان صغير في مدونتي وربك يمهل ولا يهمل
:)))
نورتيني بجد
حلو شكل الشبشب الي في الصورة :)
ههههههههههههههههه ده حتى فيه منه لونين :) :)
جبيهالي بس يا نسرين .. وانا اظبطهالك
جميل يا نسنووووسة ...
منه
شدي حيلك انت بس وانجحي
واحنا نشوف موضوع الالوان ده مع بعض
:)))))
اخيرااااا فهمت يا ودييييييييييييييييييع
:D
ايوة كده اديله
ماهو يا كده يا كمان سنتين بالظبط هاتلاقي نفسك بعد الشر بعد الشر عندك الضغظ والسكر والمرارة والبؤبؤ وكل الامراض المستعصية
الي يتعمد يضايق او يحرج انسان ماينفعش معاه غير كده
جاتهم البلاوي ملو البلد بجد
ربنا يقدرني واكمل مشروعي القومي بتاع فليت البني ادمين وكلنا هانرتاح باذن الله
ههههههههههههههههههههههههههههههه
ياااسلام علي الصداقه الصدوقه
دايما تحثك علي فعل الخيرااات
بقولك يامي
الا هو ايه البؤبؤ ده ؟؟؟
بقى كدة يا نسرييييين مااااااااشي
ده اخرتها .. لما اشوفك بس :))))
ده اذا شفتك صحيح ههههههههههههه
Post a Comment