قول كل اللي انت عايزه
خذ كل الاحتياطات اللي تحبها
وامن نفسك كويس قووي
احلف من اللي بتشوفه انك متحبش
اعمل مبدالك
لكن عفـــــــــــــــــــــــــــــــــوا ... خذ بالك
للحب حسااابات اخرى
للحب قانون لم نكتشفه بعد
والغريب اننا كل مانحاول نعرفه
نتوه اكثر واكثر
ونذوب في دوامته الغريبه اكثر واكثر
فكل يوم فيه جديد وجديد
قانون الحب الاول
(الحب فوق الحكومه)
ومن النهارده مفيش حكومه
الحب هو الحكومه
لان ببساطه
الحب النقي فوق مستوى الشبهات
الحب فوق كل تفاهات البشر
(قانون الجاذبيه للحب)
بخلاف قانون نيوتن للجاذبيه وتفاحته اللي بتقع لتحت
للحب جاذبيه مختلفه
جاذبيه الحب بتشدنا لفوق فوق فوووووق
(قانون الذائبيه للحب)
بخلاف قانون الطبيعه ان المتشابهات بتذوب فقط في المتشابهات
ذائبيه الحب متعرفش فروق ولا تشابه ولا اختلاف
كله بيذوب و يذوب و يذووووووب
ومع ذالك فالحب ملك نفسه لا يباع ولا يشترى
لانه الشئ الوحيد اللي لسه معرفنلوش قانون ثابت يقدر يحكمه
س سؤال : بنحب ليه ؟؟
ج جواب : لا اجابه
س سؤال : طب بنحب ازي ؟؟
ج جواب : معرفش
س سؤال : بنحب امتي وبنحب مين ؟؟
ج جواب : مش بمزاجنا
س سؤال : طب والمواصفات اللي بنكتبها وبنرسمها في خيالنا ؟؟
ج جواب : الحب ملوش مواصفات تحكمه لانه ببساطه لو جالك ياحلو
هو اللي هيحكمك ولو حبيت هتحب حته واحده
س سؤال : تحب تضيف اي شئ لاقوالك ؟؟
ج جواب : ايون ليا تعليق بسيط
احب اضيف ان الحب سيد الموقف
ومش دايما الكل بيبقي في الحب رابح
*****
اقفل المحضر علي هذا
ولان من اقسى قوانين الحب
قانونه الاخير
(ومن الحب ماقُتِل)
(ما قتل ... بضم القاف وكسر التاء)
فتحول الاوراق لفضيله المفتي العام
نسرين
4/4/2010
8:20 AM
10 جرب تطيــر:
آآهـ..
صدقتِ يانسرين
...
"ومن الحب ماقتل"
فعلا الموضوع بيعرض الحب بشكل جميل
من ضمن المدونات اللي بتريحني هي مدونتك يانسرين
جزاكم الله خيرا يااختي الكريمه
وامتعينا دوما بمقالاتك الجميله
وفقكي الله
انس
من الحب ماقُتِل
مش قَتَل
قُتِل مقتول قتيل
يعني بقي المرحوم
اتمني انك تكون قراتها كدا زي ماقصدتها لان للاسف ناس قرؤها بالفتحه وليس الضمه
ماجد
وجوزيت باحسن منه
وشهاده اعتز بيها يافندم
الكاتبة المتألقة/نسرين
لست أقصد المخالفة هنا
فقط أردت التوضيح بان المثل المعروف
ومن الحب ماقَتَل
" بفتح القاف وفتح التاء "
تؤكده قصة الأصمعي ، مع ذلك العاشق
يقول الاصمعي : بينما كنت اسير في الباديه , اذ مررت بحجر
مكتوب عليه هذا البيت :
ايا معشر العشاق بالله خبروا
اذا حل عشق بالفتى كيف يصنع
فكتبت تحته البيت التالي :
يداري هواه ثم يكتم سره
ويخشع في كل الامور ويخضع
يقول ثم عدت في اليوم التالي فوجدت مكتوبا تحته هذا البيت :
وكيف يداري والهوى قاتل الفتى
في كل يوم قلبه يتقطع
فكتبت تحته البيت التالي:
اذا لم يحد صبرا لكتمان سره
فليس له شي سوى الموت ينفع
يقول الاصمعي : ثم عدت في اليوم الثالث فوجت شابا ملقى تحت ذلك الحجر ميتا,ومكتوب تحته هذان البيتان :
سمعنا اطعنا ثم متنا فبلغوا
سلامي الى من كان بالوصل يمنع
هنيئا لارباب النعيم نعيمهم
وللعاشق المسكين ما يتجرع
::::::::::::::::::::::::::::
اما
ومن الحب ماقُتِل
" بضم القاف وكسر التاء"
فهي إضافة رائعة من كاتبة متألقة واعدة
اما أنا فقانوني الخاص بالحب
:::
الحب الصادق لايموت إلا بموت صاحبه
:::
:))
انس
شكرا علي قصه الاصمعي والعاشق القصه حلوه
ربنا يكرمك علي اضافاتك
****
تتصورى لسه معلقة عند بستان الزهر وكانت والله بتشكر فى الفيلم وقلت هناك كل حاجة بس واضح ان الفيلم بقى يستحق يتشاف
شريهان
مستنين رايك بقي بعد ماتشوفي الفيلم
:)
Post a Comment