في وقت من الاوقات تكتشف ان الدنيا حوليك زحمه
اشخاص وواجبات ومسؤليات زيارات ومكالمات وناس تيجي وناس تروح
وانت تذاكر او تشتغل تطلع في سلالم الدنيا وتنزل
طريق يوديك وطريق يحذفك
وفي وسط ده كله
تكتشف ان الحياه من غير طعم
من غير لمسه حنينه تدفيك
من غير كلمه مستنيها تشجعك
من غير نظره تهون عليك غربتك
تبقي عمال تزق في نفسك بالعافيه من علي السرير الصبح
وتجر رجليك وراك مره تقدم ومره تاخر وكان حد بيسحبك بالعافيه
فتلاقي ان حياتك مع كل اللي فيها من غير لون جميل يلونها
عامله زي الفيلم الابيض واسود
لما كل ده بيجي قدام عينك والتكشيره تظهر علي وشك
افتكر انك احسن من ناااس تانين ربنا حطهم في طريقك بس عشان يصبرك
قول لنفسك ان بكره ان شاء الله هيكون في يومك كل الحجات اللي تتمناها
يمكن وقتها تلمح علي شفايفك انقاض ابتسامه
معلش
بس اهي اسمها ابتسامه برضو تصبرك
الحمد لله علي كل حال
نسرين
:)
12 جرب تطيــر:
والله يانسرين..
أنا كل يوم ، وكل لحظة ترتسم على شفتاي أنقاض الإبتسامة..
مهما كنت متضايق احاول رسم أنقاض الإبتسامة..
ربما أنا شخص متفائل دوماً...
او شخص حالم... أو مجنون.
لكن الأكيد
هي تلك الإبتسامة التي تتحول لأنقاض بعد اصطدامها بواقع الحياة..
بإذن الله بكرة هيكون أفضل...
ربنا يجزاكي كل خير على مواضيعك ، التي تعيد في النفس البهجة... والأمل..
ربنا يرزقك سعادة ابدية ياااااااا رب يا نسرين ويرزقنا جميعا التفاؤل والامل وميحرمناش من مواضيعك الرااائعة ..
واشوفك قريب :(
اسلوب جميل كلنا بنحس باحساس عدم الرغبة في عمل اي شئ ولو لبعض الوقت بس انتي عبرتي عنة باسلوب سهل ممتنع
وعلي فكرة شئ المدونة جميل اوي
ارجو تزوري مدونتي وتتركي اي تعليق
الدار العربية
اسلوبك ما شاء الله سهل وسلس ويوصل للقلب بسرعة
التفاؤل كلنا محتاجينه
و صدق الرسول عندما قال ان التبسم صدقة
اذن فلنتصدق باسهل مايمكن
دمت بخير
ألم يرتّب رسول الله للمبتسم أجرا عظيماً
أعطاه أجر المتصدق ..
بوكت عزيزتي
اشتقت لك بالحيل
أنا منيرة
فعلا احنا احوج مايكون الى هذه الابتسامه الخافته
عسى ان تهون علينا ما نحن فيه
وانا بعتذر عن الايام اللي ماكنتش برد فيها
لكن موضوعك جه على الجرح
انا اصلي كنت بعاني من مشكله واتحلت نسبيا
فكنت محتاج انقاض ابتسامه
ولا قتها هنا
من جديد يانسرين
بتطلي عينا بنظره جديده للدنيا
في آسى مع تشجيع
وغربه مع امل
مازلت بقول ان خواطرك بتمر علينا
لكن خرجت على لسانك انتي
فعلا كتير بنحس الاحساس ده
لكن فعلا اسمها برضوا ابتسامه
اعذريني
انا مقصر كتير في حق مدونتك
تحياتي
نسرين مدونتك اكثر من رائعة انا بحب اتاعبها جدا انت بقالك كتير مش بتكتبى لية
السلام عليكم
امممم
اسفه جدا جدا جدا علي التاخير ده كله ... باذن الله ليا عوده قريبا
للرد وبموضوع جديد
:)))
:)
الحمدلله على سلامتك...
:)
بإنتظارك..~
انا كتبت التعليق ده بعد ما قريت حاجات كتير فى المدونه بجد اسلوبك جميل جدا وموضيعك كمان اجمل
Post a Comment