حالو ياحالو رمضان كريم ياحالو
طول عمري من صغري وانا احب الهيصه واللمه زي عنيا
كنت بحب اقضي رمضان في مصر مخصوص
عشان انزل بعد الفطار الشارع بالفانوس واغني مع العيال
حالو ياحالو رمضان كريم ياحلو
****
بجد رمضان كريم ده حقيقه
شهر كريم ده حقيقه
انا اخذت بالي منها قوي السنه ده
مع اول يوم في الشهر الكريم
*****
المشهد الاول
في الميكروباص قبل الفطار
الدنيا واقفه قوووي والكل تعبان وعايز يروح يلحق الفطار
وسواق الميكروباص متنرفز وابتدي يخرج عن شعوره
وقبل مايقع في الغلط لحقه حد من الركاب
رمضاااان كريم امال يااسطا
الله اكرم ياسيدي
قالها وهو بيضحك
وبعدها شغل اذاعه القران
سبحان الله فعلا كلمه قلبت حال الراجل
*********
المشهد الثاني
علي اول شارعنا قبل المغرب بدقايق
التواشيح ماليه الشارع متعرفش طالعه من انهي بيت
وريحه الاكل بصراحه كانت هتخليني اعيط
ولقيت لك اطفال وشباب زي الفل والله
بيوزعو عليا بلح وتمر وعصير
والكل بيقول جمله واحده
رمضاااان كريم ياانسه
:D
***********
المشهد الثالث
في الشارع بعد الفطار وقت صلاه التراويح
االجيران كلها متجمعه وكانهم مشفوش بعض قبل كدا
رجاله وستات وشباب وبنات كلهم بيقولو لبعض رمضان كريم
منظر جميل قوووي والناس بتجمع بعض ورايحين الصلاه
والكل بيسلم علي بعض
ويقول رمضاااااااان كريم
*******
المشهد الرابع
في المسجد وقت التراويح
الستات الكبيره عاملين دايره مع بعض اي نعم النم كان علي ودنه
بس بجد منظر جميل قوووي وهما بيسلموا علي بعض ويهنوا بعض
والبنات كلهم متجمعين مع بعض بنفس الشكل
واول ماكبر الامام لقيت الناس كلها انتظمت في منظر بجد يخلي جسمك ياشعر من الفرحه
بجد رمضااان كريم
*********
المشهد الخامس
بعد صلاه التراويح
زي مارحنا كلنا في تجمعات مع بعض
رجعنا برضوا واحنا متجمعين مع بعض
اجمل حاجه اننا بيبقي لينا اصحاب من المسجد بسميهم اصحاب رمضان
بنشوفهم من السنه للسنه في رمضان وفي امسجد بس
بجد احساس حلو قوووي وانت مبتسم دايما وكل حد يشوفك يسلم عليك
وكانك راجع من السفر ويقولك رمضان كريم
******
رجعنا من المسجد لقيناهم بيزينوا الشارع بتاعنا بزينه رمضان
وده بتبقي اسعد لحظات حياتي
شكمني بموت في الهيصه ده زي عنيا
انوار وفناويس وزينه بتلمع بقي وبيعلقوها في البلكونه بتاعتنا كمان
ياااااااااااااااااه شفتوا بقي رمضان كريم ازي
**********
الناس بتتغير في رمضان مهما كانت الدنيا مازمه
تلقيهم بابتسامه جميله وجمله واحده رمضااان كريم امال
وكان الكرم في الاخلاق والحب والابتسام والصدقات والرحمه
شئ معدي بيجي رمضان وينشر عدواه بين الناس
وتلاقي الكرم ده بقي منتشر بين الناس بشكل يمكن تستغرب له
وسعات بيخلينا نقول ياريت الشهور كلها رمضان
:D :D
بجد بجد بقي رمضاااان كريم عليكم امااال
15 جرب تطيــر:
رمضــــان كريم امااااال ياآنسة
:D
ونستى تقولى ان من خير رمضان كمان انيك رجعتى تكتبى تانى بعد غياب 4 شهور و4 أيام
انا عملت جدول للمحاسبة عن رمضان يا ريت تستفيدوا منه
http://www.4shared.com/file/iLJqJ9St/___.html
السلام عليكم ورحمه الله وبركاته
اولا بجد بجد عايزه اقول للناس كلها مره تانيه رمضااااااااان كريم عليكم
وثانيا معلش اتمني من اللي بيكتبو من غير حساب علي البلوجر مش ينسوا يوقعوا باي حاجه عشان اعرف ارد عليهم ومش اتلخبط
:))))
ورمضان كريم علي كل اللي رد واللي مردش وبجد بعوده يارمضااان
انس
الله اكرم يافندم ... وربنا يعوده علينا وعلي المسلمين كله اعوام واعوام بالخير وبالبركه
ورمضان كريم
:)
امممممم بصراحه مش عارفه اقول ايه لكن لو كنتي منه وزي كل مره مش بتكتبي اسمك هقتلك فعلا
اما لو كان حد تاني
يافندم والله انا نفسي مخذتش بالي من المده الكبيره ده
سبحان الله الايام بتعدي ومش بنحس
:))))
وبرضو رمضااان كريم عليكم
اممم برضو نفس المشكله بس المره ده اكيد مش منه
:)))
بجد ربنا يكرمك قوووي علي الجدول ده وانا بستاذن صاحبته او صاحبه اني انشره في كذا حته علي الفيس بوك
منها
http://www.facebook.com/home.php?#!/group.php?gid=43650187231&ref=ts
وكمان
http://www.facebook.com/home.php?#!/pages/Old-Cairo-Egypt/la-llhyafh-MR-SILLY-PLEASE-STOP/150495091633342?ref=ts&__a=14&ajaxpipe=1
منتظره الرد بسرعه
وياريت معلش تبقوا كرما وتوقعوا باي اسم مهو رمضااان كريم امااال
:)))))
معلش برضو هحب انشره هنا
http://www.cps-arabia.com/vb/index.php
منتظره الرد
:)
انا ميش منة ,اسمى كربم المراكبى وبحد ماشاء الله على المدونة ,تقريبا قريتها كلها..كلام مختلف ورائع
ورمضان كريم أمال
كريم
الله اكرم يافندم
حضرتك مش صاحب الجدول ؟؟؟
لا انا ميش صاحب الجدول , انا كنت قريت المدونة بتاعتيك وبصراحة ممتعة جدا ..فا كان ليكى فترة مكتبتيش فا كنت مترقب الجديد منك ..وانا كونت رأى متواضع جدا عن المواضيع الاكثر من رائعه دى..بصراحة أنتى كاتبة ممتازة ليكى أسلوب مختلف....و حمداً لله على سلامتك رجوعيك للكتابة فى المدونة تانى
كريم
ربنا يكرمك ويارب تكون مدونتي المتواضعه عند حسن ظنكم ورايكم فيها دايما
ونورت المدونه يافندم واتمني اسمع رايك دايما في كل اللي بكتبه
******
امممم انا منتظره الرد من صاحب الجدول او صاحبته عشان عايزه انزله للناس اللي اعرفها وباذن الله ياخذ الثواب
salmo 3alekom war7mot allh we parkato
mtwad3a ah pas !!!!!!
hea fa3ln masha2 allh gamila
ya3ne lo momkn 2a7p 2a2ol 7aga baseta 3an el madwna :
1- 2asm el madwna( rafraf ya tayer el 7oryea)..dah 2asm le 7ad malosh 7adod fe 2a7lamo wala tamo7o.. we ya rab damen
2- shwea mn mowade3 el madowna feha 27sas 7oazn we dah kan baen fe 2awl el madwna,bas feh pardo 27sas fara7 w tfa2ol, kaman feh 27sas shaded fe el ragw3 le aeam el tafwola ale hea a3tked kant a7sn aeam leke
ma3lsh ana tawlt gdan , we dah ra2e paset maedesh el madwna 7a2ha 5alsssss 3shan hea aked afdal mn ra2e , ana kol modo3 mn el madwna lea feh ra2e bas ana afadl akon kare2 man ane a7kom 3ala el mode3 3shan mazlmsh (el katpa )
ante katpa mesh hawea
sorry i forget to write my name to the last comment
iam karim el marakby
مش مهم الأسم او مين الى عمل الجدول المهم ان الخير يعم وان ربنا يتقبل
ويجعله فى ميزان حسناتى زى ما انتى بردوا فى ميزان حسنات واحد ربنا خلاه سبب انه يعرفك عليه ويقربك منه ويغير طريقة تفكيرك الى الأحسن
يا ده يشفعله عندك وماتنساهوش بصالح الدعاء
Post a Comment