ايه ريكم لو اي حد وقع في يده البوست ده يشخبط معيا
هنشخبط بللي جوانا
ووعد انها هتطلع احلام جميله قوووي
طووويب هنشخبط احلامنا ازي
هنستخدم طريقه اسمها
(عصف ذهني )
يعني ايه الكلام ده ؟؟؟
يعني اللي في دماغه افكار كثيره بس مش عارف يرتب اولوياتها
او يرتب انهي فكره قبل التانيه
او ازي يربط الافكار كلها مع بعض
او ازي يخطط لكل فكره
انا طبعا اللي هقوله واعمله علي قدي فاللي عنده حاجه مفيده يعرضها
طيب اول حاجه لازم اللي هنعمله ده يكون في وقت هادي مفيش حوليكم دوشه ولا مطلوب منكن حاجه
وهنتخيل اننا داخلين جوه عالم سحري
يعني كل اللي هنتمناه هيتحقق باذن الله
نبتدي ونجيب ورقه بيضا وقلم
ونبتدي نكتب فيها
طب هنكتب ايه ؟؟؟
هقولكم اهو
اكتب اي شئ انت تتمني انك تحققه حتي لو مستحيل
اكتب ومش ليك دعوه
وكل امنيه او فكره اعمل حوليها دايره
ومش لازم ترتب افكار ولا طريقه كتابه خليها مبعثره زي ماهيا
اكتب كل اللي يجي في بالك
اي حاجه وكل حاجه تتمني انك تحققها
زي الصوره
بعدها ريح شويه لانك هترهق
لانك زي مايكون كنت بتعصر مخك وبتفضي كل اللي جواه
قوم اعمل كوبايه شاي او عصير وتعالي تاني
يلا بس انا قاعده مش ماشيه
:D
بعد الشاي والعصير وارتحنا خلاص
امسك قلم لون تاني وفي نفس الورقه
امسك كل دايره واكتب انت شايف ايه عشان تحقق اللي في الدايره
يعني مثلا لو انت عايز تشتغل في مكان معين
شوف المكان ده لو محتاج لغه طلع سهم واكتب لغه
محتاج كورسات في شئ معين طلع سهم من الدايره واكتب
وهكذا مع باقي الدواير
زي اللي في الصوره
طووويب دوات قوم كل حاجه وتعالي تاني
عشان مخك عايز طاقه
ربنا يكون في عونك
محدش بياكلها بالساهل اماااال
طووويب بعد الاكل والبغدده نرجع نحلم تاني
هات ورق ابيض تاني
وكل دايره من اللي في الورقه الاولي
اكتبها لوحدها في ورقه تانيه في النص واعمل عليها دايره برضو
وحوليها زي الورده اعمل دواير واكتب جواها
الاسهم اللي كانت طالعه من الدايره في الورقه الاولي
ومن كل دايره فرعيه طلع اسهم بالحجات المطلوبه عشان اللي جوه الدايره يتحقق
يعني مثلا في المثال الي فات بتاع الشغل
انت عايز تشتغل في المكان الفلاني وطلعت سهم انك هتاخذ لغه
اللغه ده حطها في دايره وطلع منها بقي اسهم
انت عشان تاخذ لغه
هتدور علي مكان مناسب تاخذ فيه
اكتب كل الامكنه الل منكن تاخذ فيها عشان يبقي قدامك فرص كثير
محتاج فلوس عشان تاخذ الكورس
طلع سهم واكتب فلوس
محتاج وقت ... طلع سهم واكتب توفير الوقت
في الاخر خالص خذ الورقه التانيه ده
وانقلها بترتيب في ورقه جديده
واكتب بنظام المره ده بقي علي راس الصفحه
هشتغل في المكان الفلاني
ورقم بقي الحجات اللي لازم تتوفر فيك عشان توصلك للشغل في المكان الفلاني
علي حسب الاولويات
وتعمل نفس اللي عملته مع الشغل في باقي احلامك
ولما تخلص هتكتشف ان عندك دفتر احلام منكن تحقق
وعندك خطط جاهزه وخطوات مترتبه عشان تحققها
ايه رايكم بقي في الشخبطه ده ؟؟؟؟
ملحوسه : اللي في الورق اللي في الصور علي سبيل المثال
باذن الله بفكر اعمل جروب علي الفيس بنفس عنوان التدوينه
عشان كلنا نشارك بعض احلامنا ونستفيد من خبرات بعضنا ونعين بعضنا عليها
:)))
لما اعمله باذن الله هنزله هنا عشان لو حد حب يشترك
نسرين
8:00 am
18/8/2010
2 جرب تطيــر:
غريبة..
مفيش حد هنا ولا ايه..؟
حلوة فكرة الشخبطة دي بس الفكرة اننا نطلع (رجالة) فعلا بينا وبين نفسنا وننفذ اللي ها تنفق عليه (على الورق) :)
الكارثة اننا بنحلل اسباب المشكلة واذاي نحلها واو اذاي نحقق الهدف لحد ما نوصل للي المفروض يتعمل بالضبط.. وبكده بنكون مرهقين جدا او حاسين اننا ارهقنا نفسنا في التفكير لدرجة اننا بنحتاج (نرتاح) شوية قبل ما ننفذ فعلا اللي قررناه...!!
تيمو نورت يافندم المدونه
ومين قال ان مفيش حد هما بس راحوا يجيبوا الورق والقلم وزمانه جاييين في السكه
:)
بالنسبه لكلام حضرتك بقي
وماله لما نريح شويه
نريح مش نانتخ
الراحله برضو مطلوبه عشان تنطق بقوه
فيه شئ فكرت فيه يخلينا عمرنا ماهنتكاسل تاني زي زمان
لاني فعلا عندي المشكله ده
عيييش الحلم
يعني اربط حلمك بيومك
او خصص له عشر دقايق كل يوم قبل النوم
تخيل نفسك في المكان اللي عايز توصل له
تخيل نفسك ناحج وعيش مع نفسك اللحظه لاقصي مايمكن
باذن الله مهتتكاسل
انا مجربها من يجي خمس سنين ايام ثانوي ونفعت معايا طبعا الواحد بيبقي محتاج حجات تانيه غير الحلم
واهما صلته بربنا
باذن الله وعد مني لو حدجرب يعيش كل يوم عشر دقايق بس قبل النوم
هيوصل للي هو عايزه
ومفيش مانع انك تربط حلمك باي حاجه تفكرك بيه خلال يومك
ده كمان من كتر مابتحلم بيه وانت صاحي هتحلم بيه وانت نايم
وباذن الله ده هيخليك حريص عليه
هيخليك خايف انك تضيعه فتبتدي تشتغل فعلا
:)))
ولا ايه ؟؟؟؟
Post a Comment